ناشدت رضا فهمى، ٥٥ عاما، أصحاب القلوب الرحيمة، الوقوف إلى جوارها ومساعدتها فى الحصول على مصدر رزق يوفر لها حياة كريمة وسداد ديونها.
بقولها: «بعد وفاة زوجى ربيت بناتى وجوزتهم، وفضلت شايلة همومهم، وده طبيعى لأن دى سنة الحياة، لكن المشكلة إنى عشان أجوزهم تداينت بمبلغ ١٥٠٠٠ جنيه، وأنا ست كبيرة ومش قادرة على سدادهم، ولو اشتغلت يادوب أكفى يومى وعلاجى فى ظل غلاء الأسعار».
مضيفة: «حاليا بدفع إيجار ٦٠٠ جنيه، ومش قادرة على دفعهم كل شهر، ولا ليا دخل ولا حاجة وكل شهر صاحب البيت يطالبنى بيهم، مش عارفة أعمل إيه هلاقيها منين ولا منين، يا ريت حد يبص لظروفى».
متابعة: «أنا مريضة، ومطلوب منى أشعة وعلاجات لمرضى إللى مش قادرة على مصاريفه، سواء الكشوفات أو الأدوية الشهرية والتحاليل وغيرها، ونفسى يكون ليا «كشك» يوفر لى دخلا يوميا، لأن حالى صعب، وأنا فى أشد الحاجة لوجود دخل لي، لتوفير نفقاتى المعيشية».
للتواصل مع الحالة
٠١١٥٤١٤١٨٧٥
