زارت "البوابة نيوز"، أسرة الطفل "محمد صالح"، الطالب الذي انتشر له فيديو عبر "السوشيال ميديا"، أثناء بكائه داخل إحدى المدارس طالبًا من معلمته السماح له بالنوم لمدة ربع ساعة، قائًلا لها: "والنبي يا حاجة سبيني أنام ربع ساعة، ربع ساعة بس وهعملكم اللى عايزينه".
والتقت "البوابة نيوز" والده الذي عبر عن غضبه من الفيديو قائًلا: "ابني محمد بيعاني من تعب في قدم رجله، وكان آخرها قبل المدرسة بكام يوم، وبياخد علاج بيخليه ينام، وبدأت المدرسة وقولناله روح ووصلناه، لكن عشان أول أيام الدراسة والأسبوع الأول الطفل تعب عشان مش متعود، وطلب من المدرسة بتاعته إنه ينام، لكن للأسف صوره المدرس بتاعه، عشان يبقى مادة للسخرية من الطفل، ابني مش سرسجي، ابني جاتله أزمة نفسية لما عرف إن الناس بتتريق عليه ولما كل ما حد يقابله في الشارع يضحك ويقوله أنام ربع ساعة".
وكان رواد مواقع التواصل الاجتماعي قد تداولوا مقطع الفيديو الخاص بالطفل أمس الثلاثاء، بشكل ساخر من طريقة الطفل في التوسل لمعلمته ووصفها بـ"الحاجة".
