تابع أحدث الأخبار
عبر تطبيق
تعرف لما البهجة..
بتلمس روحك..
تعمل زى الدرويش ف المولد..
أو حتى الممسوس م الجن..
أو تشبه مجنون ف الشارع..
بيرقص على أى كلام..
ولما تفارق روحك فجأة..
تشبه تايه ف الصحرا..
بتلعبه خيالاته م الحر..
طب تعرف لما البهجة..
تفارق الروح..
تصبح روحك زى خيال..
من غير الجسم..
تصبح أشّه..
هشه..
أو حتى..
بلونة منفوخة..
بتفرقع..
بشكت سن..
تعرف لما البهجة..
تلمس روحك
تبقى جروحك..
عارف لما البهجة
تلمس روحك
وتعاود تفارقها
ف حلم