يعانى أهالى شارع الخمسين، بمنطقة شبرا الخيمة، التابعة لمحافظة القليوبية، من انتشار الصرف الصحى بمنطقة سوق الخمسين، مما يعوق حركة البيع والشراء بالسوق، بسبب الروائح الكريهة وبرك المياه، وانتشار الحشرات، الناتجة عن الصرف الصحي.
تقول أم محمد «بائعة فى السوق»: «إحنا حالنا وقف بسبب المنظر ده، أكثر من مرة، نلم فلوس من بعضنا ونسلك الصرف الصحى وترجع تاني، لأن مجرى الصرف الصحى صغيرة، وبتتسد بسرعة بسبب محلات السمك والكرشة، ولازم حد يسأل فينا من المسئولين عشان كدا حرام».
وأضافت أم كريم: من سكان الشارع «بصراحة إحنا تعبنا من الريحة والمنظر ده، وبالذمة ده يرضى حد إننا نشوف القرف ده، ولا نشم الريحة دى كل يوم، ويا ريت المسئولين يهتموا بينا، مثل ما اهتموا بالشوارع الرئيسية، ويرجع الشارع والسوق مثل الأول نضيف»
