ناشدت رضا فهمى، ٥٥ عاما، أصحاب القلوب الرحيمة، الوقوف إلى جوارها ومساعدتها فى الحصول على مصدر رزق يوفر لها حياة كريمة وسداد ديونها.
تقول: «بعد وفاة زوجى ربيت بناتى الخمسة وجوزتهم، وفضلت شايلة همومهم وده طبيعى لأن دى سنة الحياة، لكن المشكلة إنى عشان أستتهم تداينت بمبلغ ١٥٠٠٠ جنيه، وأنا ست كبيرة ومش قادرة على سدادهم، ولو اشتغلت يدوب أكفى يومى وعلاجى فى ظل غلاء الأسعار إللى فى كل شىء».
وتضيف: «حاليا بدفع إيجار ٦٠٠ جنيه، ومش قادرة على دفعهم كل شهر، ولا ليا دخل ولا حاجة وكل شهر صاحب البيت يطالبنى بيهم، مش عارفة أعمل إيه هلاقيها منين والا منين، لكل المستلزمات المطلوبة منى، يا ريت حد يبص لظروفى دى».
وعن مرضها استكملت: «أنا مريضة، فوق كل حاجة ما بقدرش أناول نفسى الحاجة إللى جمبى، ده غير إنى مطلوب منى أشعة وعلاجات لمرضى إللى مش قادرة على مصاريفه أبدا، سواء كشوفات والا أدوية والا غيره وغيره».
وعن دخلها تضيف: «أنا نفسى يكون ليا «كشك» مثلا أو حاجة توفر دخل يومى، لأن حالى صعب وأنا فى أشد الحاجة لدخل ليا، يجيبلى مصاريف يومى حتى».
للتواصل
٠١١٥٤١٤١٨٧٥
