وائل عبدالسلام حسين ٤٨ سنة من سكان منطقة الدرب الأحمر يعانى من مرض الشلل النصفى منذ أكثر من ثلاث سنوات نتيجة تعرضه لجلطة بالمخ يقول «أنا راجل بسيط عايش فى شقة قديمة أوضتين وصالة وأبويا واخواتى الاتنين قاعدين معانا بعيالهم ومعنديش أى مصدر دخل أصرف منه وولاد الحلال بيساعدونى وبسبب ظروف إعاقتى مش لاقى شغل يناسب حالتى».
مستكملا: «روحت حى وسط القاهرة ومشيخة الأزهر وشرحت لهم ظروفى علشان يساعدونى بتوفير كشك آكل منه عيش، وكان ردهم علىَّ، سجل اسمك واستنى دورك، وبالرغم من أن حالتى بتزداد سوء كل يوم، فأنا بتمنى من المسئولين يوفروا لى كشك أو يساعدونى على إنى آخد معاش من الشئون الاجتماعية».