«إعاقتى ابتلاء من ربنا يعاقبنى به الناس» هكذا بدأ عمرو جمعة صاحب الـ٣٦ عاما حديثه، ألم وحسرة ووجع، هذا ما تشعر به مجرد أن يتحدث عن حاله، لم تكن الحياة منصفة له، يبدأ حديثه، قائلًا: «ربنا بيختبر الإنسان فى كل شىء، أحيانًا الإنسان يصبر، ومرة يجزع لأننا بشر، الهم زاد عندى، وحياتى بتسوء كل يوم عن التانى؛ والسبب إعاقتى بعانى من شلل فى الساقين، فبقيت مش عارف أمشى، وكل حركتى بتكون عن طريق الكرسى، أنا مش معترض على ابتلاء ربنا، اعتراضى على إن الناس كأنها بتعاقبنى، كل ما أحاول اشتغل عشان أصرف على أسرتى، الرد واحد، مش هنشغلك عشان إعاقتك، وأنا عندى أسرة تتكون من خمسة أفراد، ٣ أولاد ومراتى، أنا مش عايز لا شفقة ولا مساعدة كل حلمى أشتغل واصرف على أسرتى، أو أفتح مشروع صغير استرزق منه».
