«إسلام محمد» يبلغ من العمر أربع سنوات، ويقطن محافظة الشرقية، يعاني من مرض السرطان، تقول والدته: «مشكلة إسلام أن السرطان انتشر فى جسمه بشكل كبير، وما زال ينتشر أكتر لحد ما وصل فى عظمه ووصل لعينه، روحنا بيه مستشفى سرطان الأطفال ملقيناش له سرير، ولحد دلوقتى مش لاقيين له مكان ومفيش قدامنا غير المستشفيات الخاصة، واحنا ناس ظروفنا على قدنا».
وأضافت: «ابنى مش بيعرف ينام ولا يتحرك ولو فضل من غير علاج مدة أكتر من كدة هيموت منى، كل اللى عايزاه حد يساعدنا فى الحصول على سرير لإسلام أو أى معهد أورام يقبل حالته بس ويتعالج ويعيش زى بقية الأطفال، ونفسى الحكومة ووزير الصحة يبصوا للناس اللى زى حالتنا ويساعدونا».
