رئيس مجلس الإدارة ورئيس التحرير
عبد الرحيم علي

المياه مقطوعة في "ميت عقبة" من 3 أشهر

الأحد 26/أغسطس/2018 - 08:23 م
مياه ميت عقبة
مياه ميت عقبة
أحمد الكشكى
طباعة
أهالى شارع «البلدين» بمنطقة ميت عقبة، يشكون من انقطاع المياه الدائم، الأمر الذى يجعلهم لا يستطيعون مباشرة حياتهم الطبيعية، «صوت الناس» رصدت فى هذا التقرير صرخة الناس من تلك المشكلة.
تقول: «أم محمد»، ٦٠ عاما: «أنا ست كبيرة ومشكلتنا المياه بتقطع طول اليوم بطريقة مستمرة، ليها أكتر من ثلاث شهور، ومش عارفين نعمل إيه؟ بتفضل بالـ١٠ ساعات مقطوعة وبتيجى بس فى أوقات متأخرة نكون نمنا ونصحى نلقيها مقطوعة، وممعناش فلوس نشترى مياه معدنية، ومش معايا عيال فى البيت علشان حد يجيب لى مياه من برة».
وأضاف «عم السيد»: «معايا ٤ عيال والمياه قاطعة طول اليوم ومش عارفين ناكل ولا نشرب ولا ندخل الحمام، إحنا قربنا نعفن من قلة المياه، وأنا موظف عادى مش هاقدر أشترى مياه من المحلات».
وتابع «علاء»، «أنا راجل أرزقى على الله شغلى يوم بيوم أجيب منين فلوس للمياه؟ إحنا مش قادرين نشترى أكل علشان نشترى مياه نشرب ونستحمى بيها، إحنا محتاجين حد من المسئولين يتشرف ويجى يسكن مكاننا لمدة يوم ويشوف المعاناة، أنا بناشد المسئولين إنهم يحلوا لنا المشكلة التى أصبحت كابوسًا لنا، ونعانى منه كل لحظة».
"
هل تؤيد قرار منع التدخين والمحمول في المدارس؟

هل تؤيد قرار منع التدخين والمحمول في المدارس؟