هاجم وليد منصور منتج فيلم "البدلة"، الفنان محمد رمضان عبر حسابه الخاص بموقع التواصل الاجتماعي "فيس بوك"، قائلا: "رسالة موجهة مني المنتج وليد منصور إلى شخص مجنون يدعى محمد رمضان، وصلني أنك بتبعت رسائل من تليفونك الشخصي تتهمني فيها بتغيير أرقام الإيرادات، مكنش نفسي أرد على شخص زيك رمز للإسفاف علشان مخرج العمل ومنتجه أصدقاء محترمون، بس إنت زودتها قوي يا حماده، أولًا انت اسمك لازم كل مصر تغيره لـ"محمد مرضان" لأنك بتفكرني بالمجانين اللي ماشيين في الشارع ومش عايزين يصدقوا أنهم مجانين فارتاح يا حماده محدش عاقل هيصدقك، عمرك ما كنت رقم ١ في الإيراد".
وتابع منصور: "عمرك ما كنت أحد نجوم الصف الأول وانت عارف إن السبب أن فنك هابط يا مرضان، وملامحك للأسف متعرفش تعمل غير دور المدمن أو البلطجي أو إرهابي أو حرامي، أنا كان نفسي متكلمش عنك لأنك أصلًا بالنسبالي وبالنسبة لكل الشعب الراقي المحترم أكذوبة وانت عارف كويس أن أفلامك طول عمرها بتفشل قدام النجوم المحترمة، زي السقا وعز وتامر والأستاذ عادل إمام نصيحة يا مرضان روح اتمرن تمثيل بدال مانت أداءك واحد في كل أدوارك يابني انت طبعًا انت هتموت عشان مش عارف تشتري ڤيوز زي أغانيك الهابطة، فمفضوح أوي قدام الغلابة اللي مصدقينك اللي بينقرضوا واحد ورا التاني، يا ولا قسمًا بالله لو لقيتك بتهرتل على أي حد تاني هيكون ردي أعنف من كده، واصلًا: أنا لسه مخلصتش ردي أنت هتموت من الغيظ عشان "البدلة" علّم عليك، ولسه هنعلّم أكتر، وانت عارف هتتمسخر إزاي الفترة اللي جايه زي ما اتمسخرت في كل أفلامك اللي فاتت".
