«ذكاء.. وبراءة.. وقوة.. وكفاح».. هكذا «يوسف سيد» صاحب ١٣ عاما، منذ أن فتح عينيه على الحياة وجد مهنة «الجزارة» أمامه وعن ذلك يقول: «أنا بموت فى جدى ومن كتر حبى فيه حبيت مهنته عشان كده بحب أشتغل معاه وقت موسم عيد الأضحى».
وأضاف، أنا بحب التعليم وبحلم أكون مهندس إلكترونيات، وبشتغل مع جدى أيام العيد بس.
وتابع: أنا الحمد الله متفوق جدا فى دراستى وبكون فى ترتيب أوائل المدرسة لكن أنا مش بحس إنى مبسوط فعلا ومرتاح غير لما بنزل أشتغل يوم العيد بمهنة «الجزارة» مع جدي.
واختتم: «أهلى عاوزنى أنجح فى التعليم جدا لكن جوايا بحب الشغل أكتر وخصوصا فى الجزارة مش تجارة السيارات مثل والدى لكن الأهم دلوقتى أحقق أمنيتي وأمنية الكل وهى إنى أكون مهندس إلكترونيات لما أكبر».
