يعانى سكان أرض اللواء من الانقطاع المستمر للمياه، والتى تأتى فى أوقات متأخرة بالليل، لكنها تحمل رائحة قذرة ولونا أسود نتيجة اختلاطها بالصرف الصحى، مما يعرض الأهالى بالإصابة بالأمراض خاصة فى فصل الصيف.
ويقول عم محمد، أحد سكان أرض اللواء: «مش لاقيين نقطة ميه»، المياه مقطوعة طوال اليوم، وتأتى فى أوقات متأخرة فى منتصف الليل، ومش عارفين نعمل أكل ولا نغسل هدومنا، وعيالنا يفضلوا من غير استحمام باليوم واليومين عشان مفيش ميه، إحنا مش قادرين على مصاريفنا كمان هنشترى مياه معدنية، فى ناس تقدر تشترى وفيه ناس مش قادرة تشترى أكل لعيالها، واشتكينا أكثر من مرة ولم يستجب لنا أى مسئول.
وأضاف عم أحمد: «البيت عندى الميه مش بتيجى نهائى رغم إنى مركب موتور، وساكن فى الدور الأرضي، ونضطر نروح الجوامع نستحم هناك، دى مبقتش عيشة».
أما عمرو بكر فقال: «الميه ضعيفة جدا فى المنطقة اليومين دول والميه لما بتيجى مش بنقدر نستخدمها حتى للشرب أو للطبخ بسبب ريحتها ولونها أسود».
واختتم حديثه مع «البوابة»: نستغيث بالمسئولين بسبب هذه الكارثة التى ستتسبب لنا فى الأمرض بسبب رائحتها ولونها المختلف، ونناشد المسئولين معالجة هذه الكارثة التى حلت على أهالى منطقة أرض اللواء.
