علق الإعلامي أسامة كمال، على تصريحات النائب صلاح حسب الله، المتحدث باسم مجلس النواب التي قال خلالها: "قانون المالك والمستأجر، سيكون من أولويات المجلس الفترة المقبلة، وبطمأن الطرفين مافيش قانون هيطلع إلا في نقطة المنتصف بين حق المالك وحق المستأجر وبشكل يحقق العدل بينهم".
وقال كمال عبر برنامجه "مساء dmc"، اليوم الثلاثاء، تعليقا على بيان متحدث النواب قائلا: "رأيي يا د. صلاح إننا صعب نوصل لنقطة منتصف فى قانون المالك والمستأجر أو قانون الإيجارات القديمة أو أيا ما يكون اسمه لأن الحقيقة فى مصر مافيش نقطة منتصف ومن زمان قلت أن كلمة يحيا العدل فى مصر لها معنى واحد وهى أن الشخص خد كل حاجة، حقه او مش حقه".
وتابع كمال، "يحيا العدل اللى مفروض نقولها لما كل واحد ياخد حقه، عندنا أى حد بيقولها بيعبر بيها أنه نال مراده، أو كوش على كل حاجة".
وأوضح: "أقترح بضرورة تقنين الأوضاع الموجودة يعنى القانون الجديد يكون هدفه فتح باب التفاوض بين المالك والمستأجر حسب قواعد محددة، لأن العرف جارى أن كتير من الملاك بيدخلوا فعلا فى مفاوضات ناجحة مع سكان الإيجارات القديمة وبتحصل تسويات".
وتابع: "يجب وجود حل وسط، على أن يقوم المالك يدفع مرضى للمستأجر أو المستأجر بيدفع مبلغ مرضى للمالك ويتملك الوحدة أو يتملك شقة جديدة لو العمارة اتهدت واتبنت تاني، بس قبل ده لازم يكون فى تحريات من جهة محايدة زى ما البنوك بتعمل، عشان نعرف هل أاصحاب الإيجارات موجودين فى نفس العنوان".
