كانت تشاهد إحدى القنوات الفضائية، لتجد إعلانًا لإحدى الشركات بمنح قروض لأصحاب الأفكار والمشاريع، ذهبت إلى مقر الشركة فى التجمع الخامس، وطلبوا منها، دفع ١٥٠٠ جنيه، وأن المبلغ عن طريق البريد، وبالفعل تم ذلك.
وتقول رباب أحمد ٣٠ عاما: «أنا وناس أعرفهم، دفعنا ٣٠ ألف جنيه، لما شفنا الإعلان إنه بيقدم قروضًا لتسهيل عمل المشاريع، وبتوصل ٥٠ ألفًا، أو سيارة أو توك توك، حسب طلبك، بس بتسدد رسومًا ١٥٠٠، بعتلهم زى ما طلبوا، عشان أفتح مشروع، لأن الإعلان على التليفزيون، وأنا و٥ من جيراني، اتصلنا بيهم تانى عشان أفتح المشروع، قالوا لى لأ مفيش فلوس».
وتضيف: «قولتلهم هقدم فيكم بلاغ، قالوا القانون لا يحمى المغفلين، يعنى إحنا كنا عايزين نفتح مشروع فيتم استغلالنا، وإحنا ٥ أسر، وأنا على وش جواز ومستنية كل جنيه، وبناشد الداخلية، إنهم يرجعوا لنا حقنا، إللى سرقوه شركات النصب، وعندى اسم اللى حولت عليه وكل بياناته، وهما دلوقتى قفلوا تليفوناتهم».
للتواصل مع الضحية: ٠١٠٩٩٤٣٩٧٦٠
