«رغيف العيش».. أزمة يعانى منها سكان منطقة «محمد أحمد عمر» بأرض اللواء، نظرا لصعوبة حصولهم عليه، رغم وجود «فرن عيش»، إلا أنهم لا يستطيعون تشغيله.
يقول نعيم إسحاق، أحد الأهالى: إن مديرية التموين والمحافظ رفضوا الموافقة على فتح الفرن ومبررهم «الحصول أولا على رخصة مبان»، مضيفا: «طب نجيب منين رخص مبانى وبقالنا ٩ سنوات فى القصة دى وكل اللى طالبينه أن يوافق المحافظ على ترخيص المبانى، وأنا حُرر ضدى» محضر مبانى مخالفة وصورة المحضر موجودة معايا، ورغم ذلك يرفضون الاعتراف بها.
وقالت إحدى ساكنات المنطقة، «أم أيمن»: إحنا محتاجين الفرن جدا، بنشوف حاجات كتير لما بنطلع على الطريق بره المكان لأنه مقطوع عند الدائرى، وأنا اتعرضت لمواقف وحشة قبل كده، خاصة فى ناس بتستنانا عشان عارفة إن المكان مقطوع، ومضطرين نمشى من هنا نجيب عيش، وأنا كأم أخاف على بناتى تروح وبعد إللى شوفته بقيت لازم أروح مع أكتر من شخص، ده غير إن الرغيف بجنيه، إنما لو الفرن اشتغل هنا هيبقى أقل بكتير».
