«يا أسمر يا بو العيون العسلي.. مين اللي يقدر يزعلك.. كل أملي وحبي.. سمارك نص الجمال يا بني.. كل اللي يعرف دماغك يستغرب ويقول عجبي»، «حمزة» طفل تعدى مراحل عمره السنية، يمتلك ذكاءً غير طبيعي رغم عمره الذي لا يتعدى الـ٦ سنوات.
وقع «حمزة» في غرام الألعاب الإلكترونية ليصبح خبيرا بها، يحكي صاحب الـ٦ أعوام، قائلا: «بحب اللعب أوي وباتفرج على الكارتون، عشان كدا فكرت أعمل لعبة على شكل كارتون، بس مش عارف أعملها إزاي، كل اللي بعرفه إزاي أظبط اللعبة على الكمبيوتر أو التليفون، وبعدها بعمل طريقة أوصل لآخر مرحلة ليها بسهولة، ودا سر محدش يعرفه غيري، دايمًا عندي سؤال: إحنا ليه مش بيعلمونا في الحضانة إزاي نصنع لعبة، وكل واحد يعمل اللي هو عايزه، نفسي أبقى مهندس كمبيوتر واعمل ألعاب كتير، وكل يوم أعمل لعبة جديدة، وكل الناس تعرفني وتقول المهندس حمزة أهو، ونفسي أصمم لعبة وأسميها حمزوفيتش، ومتسألنيش اشمعنا فيتش».
