تصدرت الفنانة شيرى عادل والداعية معز مسعود تريندات تويتر، خلال الساعات القليلة الماضية، وذلك بعد إعلان مسعود عن خبر خبر زواجه من شيرى منذ عدة شهور بعد طلاقه من زوجته السابقة المرشدة السياحية بسنت نور الدين.
"البوابة ستار" ترصد أبرز التعليقات التى تنوعت ما بين التأييد والرفض عبر تويتر فى التقرير التالى:
شاركت نور على صورة تجمع بين بسنت نور الدين زوجة مسعود السابقة والفنانة شيرى عادل وعلقت عليها فى تدوينة لها: ساب القمر واتجوز العسل.
أما محمد عبد التواب فقد شارك صورة تجمع بين شيرى ومعز، وعلق عليها قائلا: #معز_مسعود اتجوز #شيرى_عادل، احنا بنتغفل يا جماعة، كيفية اندماج الفن بالإسلام الوسطي الجميل علي يد بن مسعود.
أما بيرى الشبراوى فعلقت فكتبت فى تدوينة لها: الخلبوص #معز_مسعود اتجوز #شيري_عادل وطلع تخصص #ملبن.
وقالت مغردة أخرى: شيري_عادل.. الموضوع عادي مش أول مرة نسمع عن فنانة اتجوزت داعية ٣/٤ الفنانات اللي اعتزلوا واتحجبوا اتجوزوا دعاة ودا كان الأغلب السبب في اعتزالهم وحجابهم لكن المذهل هنا أنه شيري ما اعتزلتش واتحجبت لا الشيخ هو اللي اعتزل وبقه منتج ودا #التطور_الطبيعي_للحاجة_الساقعه.
وقال مغرد آخر فى تدوينه له، معز مسعود يطلق بسنت نور الدين يتجوز شيري عادل كل ده حياة شخصية، بس ده يعرفنا أن مش كل واحد قال كلمتين في الدين بقى داعية أو أي جوازة شكلها حلو من بره مكتوب لها النجاح وأن الميديا بتعمل أبطال وهميين، بلاش تنخدعوا بأي مظهر سواء في الدين أو غيره، مش كل اللي بيلمع الماظ #شيري_عادل.
أما ماجد باشا، فقد شارك صورة كوميدية من المسلسل ظهر فيها الفنان طلعت زكريا وعلق عليها قائلا: ما هى فعلا السهام المارقة.
وقال مغرد آخر فى تدوينة له، صباح الخير.. #معز_مسعود اتجوز #شيري_عادل طب واحنا مالنا ؟ لا إزاي لازم تحشر مناخيرنا في اللي ملهاش فيه.
