رئيس مجلس الإدارة ورئيس التحرير
عبد الرحيم علي

النجار لـ"مروة": "البوب هيدفعلك 2000 دولار".. ومروة: ربع المرتب ليك

الأربعاء 08/يناير/2014 - 11:09 م
مصطفى النجار ومروة
مصطفى النجار ومروة
أحمد يحيي
طباعة
النجار لـمروة: البوب
عرض الكاتب الصحفي عبدالرحيم علي، رئيس تحرير "البوابة نيوز"، خلال برنامجه "الصندوق الأسود"، عبر فضائية القاهرة والناس، مكالمة تليفونية بين مصطفى النجار وأخرى تدعى "مروة" جاء فيها:
مروة: الو يا مصطفى
النجار: الو 
مروة: ايوه.. صباح الائتلاف كله عليك 
النجار: لا منى بتركبني كمان على الائتلاف.. واخدة بالك.. حبيبة قلبي منى.. بتقولك مصطفى لقي ملفه هو وأصحابه.. بص التظبيط تظبيط تظبيط يعني.. بتبروزني
مروة: انت سمعت التصحيح بتاعها
النجار: لا قالت إيه
مروة: قالت ان الدكتور مصطفى النجار مش من الائتلاف وان شباب الائتلاف لم يدخلوا ولم يذهبوا إلى أمن الدولة بأي شكل من الأشكال أمس أو أول أمس.
النجار: والله.. طب حلو ده.. دى تعليمه خره على العيال
مروة: ده إحنا ضحكنا ضحك أنا وأحمد إمبارح
النجار: هتبقى تعليمة خره على العيال
مروة: انت اللى مضبط كده.. طب كويس
النجار: البوب الصالح عايز يشتغل.. فقولتله 2000 دولار لمروة فى الشهر.. تيجي تقعد تحطيلكوا الخطة
مروة: بتتكلم جد يا مصطفى
النجار: آه مابهرجش.. قالي طب شوف استعداداتها ومش استعداداتها.. قولتله هقنعها هى مشغولة أوي دلوقت بس هحاول أقنعها
مروة: لا بتكلم جد يا مصطفى.. امممم.. ربع المرتب زي ما اتفقنا
النجار: إيه
مروة: ربع المرتب يامصطفى زي ما اتفقنا
النجار: فعلا.. ماشي يا مروة
مروة: خير خير خير.. طيب وإيه الأخبار الثانية.. بقيت الدنيا
النجار: اقنعته امبارح ان إحنا لازم نعمل تحالف مع زويل وهشام البسطويسي.. هشام البسطويسي يجي نائب للرئيس.. وزويل يجي رئيس وزراء
مروة: وزويل هيرضى.. أنا حسيت فيه نوع من أنواع الندية
النجار: ماهو زويل أصلا خلاص.. التعديلات الدستورية منعاه إنه يبقى رئيس.. ومنعاه انه يبقى النائب
مروة: أنت شوفت المظاهرات اللى عملها بتوع المعادي امبارح عشان يغيروا التعديلات الدستورية.. وتقولي مش هيترشح.. قال بتوع المعادي الفرافير عاملين مظاهرة
النجار: لا..لا خلاص.. القصة خلصانة يعني.. فهو دلوقتي الراجل أكبر منصب بعد الرئيس والنائب هو رئيس الوزراء
مروة: طب والناس دي عندها استعداد يامصطفى 
النجار: ما احنا لسه هنتصل بيهم.. أنا قعدت مع أبو الغار وعلاء الأسواني وهما هيكلموا زويل.. وأنا هكلم بسطويسي
مروة: طب ياريت يا مصطفي.. ياريت لو عملنا كده
النجار: لو عملنا كده يبقى خلصنا المعركة بدري بدري
مروة: طبعا.. تبقي كده خلصت يعني.. طب والبرادعي عنده استعداد يقعد ويلتزم ويدفع ولا إيه نظامه
النجار: اه اه اه.. لا خلاص أنا قولتله أن 28 مقر.. مقر كبير في كل محافظة.. شبكة أي تي كاملة.. ناس قاعدة هنا.. قولتله حملة أوباما بالضبط هنعملها
مروة: وقالك إيه.. وافق يامصطفي
النجار: أيوه وافق
"
هل تؤيد قرار إلزام المستشفيات بإذاعة السلام الجمهوري؟

هل تؤيد قرار إلزام المستشفيات بإذاعة السلام الجمهوري؟