وجه محمود فايز المدرب المساعد للمنتخب الوطني في الجهاز الفني السابق بقيادة الأرجنتيني هيكتور كوبر اعتذارًا للشعب المصري بعد خروج الفراعنة من الدور الأول لنهائيات كأس العالم.
وكتب فايز عبر صفحته بموقع التواصل الاجتماعي "فيس بوك":
"امبارح كان اخر يوم في عقدنا مع المنتخب المصري... احلي ٣ سنين ونص في حياتي.. بين اهل بلدي ووطني... حلمنا... فرحنا... بكينا... مشاعر كتير عشناها مع بعض... كنا نتمناها نهايه بشكل اخر.. بشكل افضل...
حزنا لحزنكوا... زعلنا لزعلكوا...
بس والله اجتهدنا وحاولنا واخلصنا... بكيت اد ما عمري بكيت في حياتي... علشان المره دي مختلفه... المره دي ليها علاقه بالوطن والاهل والاسره.
اخطائنا..! سوء توفيق..! قلة خبرات..!
نعتذر للناس اللي زعلناها... وشكرًا ليكوا كلكوا...!!
بس بالله عليكوا لازم تقفوا ورا فريقكوا... ورا لاعيبتكوا... دعموا اولادكوا...
ابنك لما يقع بعد اجتهاد وتعب وعرق حتي لو اخطأ..!!! بتدبحه..؟
دعمه... اسنده.. اقف وراه... هيقوم تاني وينجح تاني.
دعوا العلم مرفوعًا...
علم مصر اترفع في اكبر حدث رياضي منذ ٢٨ عام وان شاء الله هيتكرر كتير.
ابنوا ومتهدوش... مصر عرفت طريق العالميه والقادم افضل بإذن الله. دعوا العلم مرفوعًا."
