أثار شكل التصميم الخاص بشعار (لوجو) المتحف المصري الكبير الذي أعلنته وزارة الآثار صباح اليوم الأحد، عاصفة من السخرية لدى رواد مواقع التواصل الاجتماعي، حيث أعرب العديد منهم عن رفضهم هذا الشعار الذي يمثل أهم وأضخم متحف في مصر والشرق الأوسط.
كما دشن البعض هاش تاج بعنوان "#لوجو_المتحف_ده_ما ينفعش"، ومن سخرية القدر أن تنطلق عاصفة التعليقات الغاضبة من هذا التصميم من الصفحة الرسمية لوزارة الآثار على موقع التواصل الاجتماعي "فيس بوك"، وفيما يلي نعرض لأبرزها..
"ده منظر لوجو لأكبر متحف لدولة كان فيها ثلث آثار العالم.. لا تعليق" هكذا علق إسلام سعيد أحد متابعين صفحة الوزارة على شكل الشعار ليُجيب عليه أحمد أبو كريشة في سُخرية قائلاً: "لازم يبقى قديم 7000 سنة وكده".
وعلق أحد المتابعين: "ده إيه ده؟ كسر في الرخامة ولا مستوحاة من حتة جبنة رومي؟ فشلة ومش نافعين في أي حاجة أقسم بالله".
وكتب سعيد شحاتة قائلا: "أمي ربنا يديها الصحة يا رب لو بتعمل لوجو لسلالي الفراخ اللي عندها مش هيبقى بالطريقة دي.. أرجوكم كفاية شغل عشش بقى.. اعملوا لوجو يليق بحضارة مصر وتاريخها مش لوجو ما ينفعش يتحط على سلالية فراخ بلدي..
لوجو يفضح لحضارة تشرف.. اللي عمله واحد بتاع باور بوينت مبتدئ مش محترف.. واللي اعتمده واحد بتاع بطيخ أقرع"
كما أعربت راجية صالح في تعليقاتها عن حُزنها الشديد لإهمال المصممين المصريين وذوق الشعب وقالت: "والله عندنا مصممين شاطرين وعندهم زوق، ماهو لو انتوا بتختاروا من تصميمات كتير يبقى استعينوا بالشعب اللي المتحف والآثار ملكه وأنتم بس إشراف، لكن مش معقول مش ملاحقين على صدمات التصميمات" وحاولت تقديم بعض المُقترحات من خلال تعليقها قائلة: "اعملوا مسابقة واستفتاء على احسن تصميم، لكن كده مش معقول والله حرام، احترموا الناس والمصممين والبلد والتاريخ".
ومن جانبها قالت سلوى فريد في تعليقها باحثة عن دور الخُبراء اتجاه هذا التصميم: "اسفة للفظ، بس "زفت"، فى حدث كبير زى ده لازم الاستعانة بالخبراء، إيه علاقة اللوجو ده بتاريخ مصر الفرعونى، وبالمناسبة ده موضوع المتحف!! ليه ما اتعملش مسابقة لتصميم اللوجو فى حدث كبير زى ده".
وأضاف وليد محمود تعليقاً جاء فيه: "مش معقول متحف بهذه الأهمية وهذا الجمال يتم وضع شعار لا علاقة له بالمتحف ولا بفكرة المتحف ولا حتى بالهوية المصرية".
يُشار إلى أنه تم الإعلان عن شعار (لوجو) المتحف الكبير صباح اليوم الأحد، من خلال مؤتمر صحفي عالمي وفي حضور كل من الدكتور خالد العناني وزير الآثار، والدكتورة رانيا المشاط وزير السياحة، وسحر نصر وزير الاستثمار والتعاون الدولي، واللواء كمال الدالي محافظ الجيزة، ولفيف من سفراء وممثلي الدول الأجنبية بالقاهرة وشركات الأعمال.
