أعلن اتحاد أمهات مصر للنهوض بالتعليم عن خريطة وبرنامج أولياء أمور طلاب المرحلتين الابتدائية والإعدادية خلال إجازة الصيفية.
وقالت عبير أحمد مؤسس اتحاد أمهات مصر للنهوض بالتعليم: "إن أولياء الأمور قرروا عمل برنامج صيفي لأبنائهم الطلاب بعد المجهود الذي بذلوه خلال العام الدراسي المنتهي، حيث قرر عدد كبير من أولياء الأمور التركيز علي تحفيظ القرآن الكريم والحصول علي كورس رسم وبالية وجمباز، إضافة إلى زيارة مكتبة مصر العامة".
وأضافت عبير: "أن هناك أنشطة أخرى مثل قراءة القصص وممارسة رياضة كرة القدم، والمشاركة في النادي الصيفي التابع للمدرسة حيث به أنشطة رياضية وتعليمية ورسم وحفظ قرآن وتدبير منزلي وأشغال فنية، فيما رآي ولي أمر أن الإجازة قصيرة بالمقارنة بطول السنة الدراسبة ولكن سنقضيها في كرة القدم والساحل الشمالي".
بينما قرر البعض الآخر استغلال الإجازة الصيفية في ممارسة السباحة إضافة إلي كورسات انجليزي وفرنساوي، وقرر آخرين الاشتراك في المراكز الاستكشافية التابعة لوزارة التربية والتعليم التي تتضمن أنشطة عديدة مثل الرسم والروبوت وأنشطة تعليمية أخري.
وقال أحد أولياء الأمور: "مطلوب سواء للأولاد الأسر اللى تعبت كتير جدا الفتره اللى فاتت، من بعد إجازة العيد الصغير لو كل أسبوع نكتب موضوع واحد بس تعبير هتلاحظوا الفرق جدا السنه الجايه ان شاء الله، وحمل هم كبير هتكونوا فعلا حليتوا مشكلته ازاى نكتب موضوع تعبير بشكل جيد، والاولاد بلاش نسيبهم طول الاجازه لعب بس وموبايلات وتابلت وتليفزيون، وكل اسره تحاول تشوف حد كويس يحفظ اولاده قرآن او فى اى مسجد ده هيظبط لسان الاولاد جدا وكمان مش هيخلى عضلة المخ تسترخى اكتر من اللازم يعنى شئ بسيط من النشاط الذهنى ولو ساعه أو اكتر شويه كل اسبوع، يا سلام لو كل ام تخلى بنتها تشارك شويه فى أعمال البيت اولا انتى هترتاحى شويه وفى نفس الوقت البنت من صغرها لازم تتعلم اللى يناسب سنها، ولو ولد برده يعمل اللى ممكن يقدر يعمله مشاركه فى أمور البيت وكل أسره طبعا عارفه كويس إمكانيات كل ولد وبنت من أفراد الأسره".
وتابع: "بلاش وحذارى من السهر لغاية الصبح كل يوم والأولاد يصحوا بعد العصر، قلبنا الليل نهار والنهار ليل، كده المخ والساعة البيولوجية بتتلخبط تماما، نسهر شوية آه احنا فى إجازة وننام شوية برده كويس بس مش طول النهار يعنى لو نشوف أي نشاط رياضى الأولاد والبنات يقدروا يعملوه يبقى هايل، لو حد عنده الاستعداد والرغبة يشترك لأولاده فى أي سنتر تعليم لغه إنجليزيه جميل جدا طبعا، المهم نستغل الإجازه بشكل أو بآخر حسب إمكانيات كل أسرة".
