أكد النجم حمادة هلال ان مسلسل قانون عمر والذى يسابق به فى المارثون الرمضانى الحالى ويذاع حصريًا على شاشة إم بى سى مصر، يلقي الضوء على قوانين محتاجة تتعدل ، واضاف فى تصريحات خاصة للبوابة ستار :"فى ناس كتير بتدخل السجون ظلم وإحنا هنا مش بندين أى جهة ولكن بتكون المشكلة فى القانون نفسه والورق ، وتابع: «إحنا مش بنعلم البلطجة ولا عمر المدنى بلطجى، بالإضافة إلى رسالة المسلسل أيضًا أن هناك القانون الإلهى العادل دائمًا، فدايمًا ربنا يمهل العبد ويكون انتقامه كبيرًا من الظلمة.وأيضًا المسلسل بيلقى الضوء على معاناة أى شخص بيتسجن حتى لو أخد براءة، وأثبت براءته إلا أن نظرة المجتمع له بتكون قاسية، وقصة المسلسل ليست مكتوبة عن شخصيات واقعية بعينها ولكن أحداثها هى أحداث بنعيشها وبيمر بيها الناس والمجتمع، وعايز أقول إن فيه ناس محترمة جوه السجن، وفى ناس أقلمت حياتها إنها تعيش جوه السجن وعارفة قواعد وأسلوب التعامل داخله".
