لا يمتلك من الدنيا سوى راتب شهري لا يتجاوز الجنيهات القليلة التى لا تقويه على الحياة، حياته أصبحت مأساة، أوجاعا وآهات لا تفارقه، تراكمت عليه الهموم، بعدما قام بشراء «توكتوك» تم سرقته وأصبح مديونا بثمنه، الآن يبحث عن ٢٥٠٠ جنيه فقط، حتى لا يطرد من الشقة هو وأولاده الأربعة، يحكى منتصر محمد قصته ودموعه تنهمر من عينيه قائلا: «عمرى ما مديت إيدى لحد، وطول عمرى بحاول أضيق على نفسى عشان المرتب يكفينى أنا وعيالى ومراتي، بصرف بيهم عليهم وبسدد إيجار الشقة من الراتب ومفيش وقت أشتغل حاجة تاني، الدنيا غليت والحاجة زادت كان لازم أشوف دخل يساعدنى ويقوينى على العيشة وأنقذ العيال من الفقر، رحت اشتريت توكتوك واستلفت فلوسه، وكتبت على نفسى شيكات، مفيش شهر والتوكتك اتسرق، بقيت أستلف من كل اللى أعرفهم عشان أسدد تمنه، بعد ما اللى مستلف منه رفع علي قصية، وبين كدا وكدا بحاول أجمع الفلوس، فضلت شهور مش عارف أسدد إيجار الشقة، وكل يوم فى حاجة شغل ومشاكل شكل، وصاحب البيت خلاص قالى مش هصبر عليك تاني، هسيبك عشان الشهر الكريم، ومتترميش إنت وعيالك بره، بس آخرك الشهر دا لو مفيش فلوس الإيجار والشهور اللى عدت هتلاقى نفسك فى الشارع، متعودتش أمدى إيدى بس خلاص مفيش طريق إلا حد من أهالى الخير يبص لعيالى الغلابة اللى ملهمش ذنب غير إن أبوهم فقير».
