القمامة.. أزمة تطارد سكان بين السرايات بعد أن انتشرت الأكوام فى الشوارع والحواري، وهو ما دفع الأهالى لمناشدة المسئولين بالتدخل وإنقاذ أرواحهم وأطفالهم من الموت بسبب الميكروبات والروائح الكريهة.
يقول هاشم محمد: «والله أنا كل ما بخلص شغلى ببقى عاوز أفضل فى الشغل عشان ما أروحش بيتى وأشاهد منظر الزبالة، الذى بيعصبني، وأنا ما بقيتش عارف أعمل إيه، واستحالة ده يكون منظرًا طبيعيًا لما أركن عربيتى فوق الزبالة عشان مش لاقى مكان».
وقال عمر أحمد: «وأنا فى البيت ولمجرد فتح الشباك أو البلكونة بكره حياتى من المنظر، خاصة أن الزبالة بتقعد بالشهر مكانها»، وأشارت غادة جلال إلى أن مللنا الوضع، وما بقيناش طايقين لا الريحة ولا الدبان والناموس اللى مبهدلنا طول اليوم، وأضاف حازم محمد أن من أكثر الأسباب التى تدفعه لمغادرة المنطقة هى أكوام الزبالة بجوار العمارة.
