رسالة إلى رئيس الجمهورية ووزير الصحة والدكتور مجدى يعقوب، لكل من فى يده أن يقدم المساعدة، الطفل ناجح، ١٠ سنوات، يبكى إليكم أن تنقذوا حياته، يحكى معاناته بصوت طفل متقطع من البكاء، حمل أوجاعا فاقت سنه، يقول: «مش عارف أنام الليل من التعب وضيق النفس، كل يوم بقول هموت بكرة، وتطلع الشمس تلاقينى لسه صاحي، أنا مش عارف ليه مش بيسألوا عليا ويعملوا العملية عشان أعرف ألعب زى باقى العيال اللى فى سنى، مش بعرف أروح المدرسة ولا أجري، أبويا لف بيا على كل المستشفيات ومحدش سامعنا».
يضيف والد الطفل: «٣ سنين وأنا من مستشفى لمستشفى ومحدش بيجيب ولا بيسمع، رحت لمستشفى القلب فى أسوان، وبردو معملوش العملية قالوا استنى دورك، وبقالى ٣ سنين مستنى ومحدش كلمني، والعملية تتكلف مبلغ كبير مقدرش استحمل تكلفته، والدكتور المتابع معاه قاللى إن العملية لازم تتعمل بسرعة؛ لأن الحالة ساءت أكتر بكتير من الأول، بحمل ذنب ابنى لوزير الصحة، وكل واحد فى معهد القلب ماساعدش ابنى وبيجعل نهايته بالبطىء». للتواصل مع الحالة تليفون: ٠١١٤٠١٣١٥٢١
