تراكم القمامة بحي الدقي.. والأهالي: "تعبنا من الشكاوى"

تشكو شوارع دمياط وأبوالمحاسن ومحيى الدين أبوالعز وإيران التابعة لحى العجوزة والدقى، من إهمال هيئة النظافة والتجميل، فبعد تزيين الأشجار وتهذيبها تحولت إلى أكوام من القمامة بفعل الفروع ومخلفات الأشجار التى تركت منذ أسبوع لتكون عاملًا لجلب مزيد من أكوام القمامة، وتسببت فى نشر الأمراض والروائح الكريهة، وتعوق حركة مرور السكان.

يقول الحاج أحمد، أحد سكان شارع دمياط منطقة العجوزة: «المشكلة الكبيرة فى الأطفال وصعب السيطرة عليهم، وفى بعض الناس التى تكمل الصورة وتلقي بمزيدٍ من القمامة، ومفيش أسبوع يمر إلا لما نكلم الحى لإزالة القمامة اللى ماليه الشوارع، ومحدش بيسأل فينا، وتحول الشارع إلى مقلب، وإحنا مش عارفين نعمل إيه بصراحة، غير إن فيه محلات أكل ومستشفى، والحى لا بيقدم ولا بيأخر ولا يغير حاجة، وتعبنا من كثرة شكاوينا".

ويوضح أحد سكان شارع إيران: "أول مرة يكون منظر الشارة بالشكل دا ولا عارفين نركن عربياتنا ولا حركة المرور بتمشى بطريقة مستقيمة، غير إنه شارع بها سكان أجانب والمنظر العام غير لطيف، والقمامة لمة علينا الحشرات، واتصلنا بالحى، ولا توجد استجابة مش عارفين نعمل إي".

وتقول أم أحمد (ساكنة بشارع إيران): "مشكلة القمامة عندنا بقالها أيام ١٠، وتواصلنا مع هيئة النظافة والتجميل والحى، ولم يستجب لنا أحد حتى الآن، وتتابع: «مش عارفين نفتح المحلات بسبب أكوام القمامة".

ويؤكد أحد سكان محيى الدين أبوالعز: "إحنا نفسنا الشارع يرجع زى زمان نضيف عمرنا ما شفنا المنظر ده قبل كده".