تداول رواد موقع التواصل الإجتماعي "فيس بوك" مجموعة من الصور لبائع ورد يدعى محمد من منطقة شبرا، وتحديدا بشارع الترعة البولاقية، وذلك بعدما نشرت أحد السيدات منشورا يتعلق به والسيدة العذراء.
تقول صاحبة المنشور، "روحت إمبارح اشتري بوكية ورد عشان أودية كنيسة العذراء عشان عيد ميلادها انهاردة، كان محل بسيط وطلبت من صاحب المحل يعملي البوكية وقولتله يظبطه حلو عشان ده رايح للعذراء مريم".
فرد الراجل بفرحة "بس كده، هاعملها أحلي بوكية، أنا إسمي محمد بس وبحب العدرا"، مضيفة أنه بعد أن حصلت على البوكية، وأثناء مغادرتها المحل، طلب منها شيئا، قائلا "ممكن أتقل عليكي وأعمل بوكية للعدرا هدية مني ليها وتاخديه معاكي تحطيهولها في الكنيسة".
وأضافت السيدة، "طبعا فرحت بمحبته جدا ورحبت بالفكرة، وعمل البوكية وأخذته منه، وشكرته علي محبته الكبيرة واستأذنته اصوره وهو بيعمله بفرحته اللي باينه في ملامحه، مفيش زي المحبة بتملئ الحياة سلام".
ولاقى المنشور والصور، ترحيب شديد من رواد الموقع، الذي أمطروه بتعليقات شكر ومودة.
