طالب أهالى منطقة أحمد خلاف بميت عقبة، الأجهزة التنفيذية بمحافظة الجيزة، بالتحرك وإنقاذ أرواح أطفالهم من كابلات الكهرباء المكشوفة بشوارع المنطقة، مؤكدين أنها سبب فى إثارة الرعب والفزع دائما، خاصة عندما يخرج الأطفال للشارع، بالإضافة إلى موسم الأمطار، حيث يضطرون لحبس أبنائهم خوفا عليهم من الموت بسبب تلك الأسلاك العارية.
تقول أم هشام: «أرواحنا على كف عفريت، إزاى الكابلات مكشوفة كدة ومش متغطية، ده الدنيا لو مطرت وحد قرب منها هتكهربه فى ثانية».
بينما قال أحمد عمران: «كل يوم أدعى ربنا ابنى يرجعلى من المدرسة والدروس على خير، كل خطوة تلاقى كابل مكشوف ربنا يسترها، بقيت اضطر فى كل مرة يخرج فيها أوصله وأنتظره حتى يعود، الحال وصل بينا لإيه، ناس فوق قوى وبتدور على حاجات تافهة تقول الدولة مقصرة، وإحنا هنموت ولا حد بيسأل علينا».
وأضافت زينب إبراهيم: «حاجات بسيطة ولكنها فى منتهى الخطورة، ليه تترك بهذا الشكل، المفروض الحى يغطى الكابلات دى، مش معقولة، أنا منعت أولادى يلعبوا مع صحابهم عشان خايفة عليهم يمسكو الكابلات».
أم هشام: «أرواحنا على كف عفريت، إزاى الكابلات مكشوفة كدة ومش متغطية، ده الدنيا لو مطرت وحد قرب منها هتكهربه فى ثانية».
