نصح الرئيس عبدالفتاح السيسي عمال مصر، باختيار من يصلح في الانتخابات العمالية مايو المقبل.
وأضاف: "من فضلكم اهتموا بالأمور اللي زي دي.. اهتموا إنكوا تولوا عليكم من يصلح، اختاروا كويس، اختاروا اللى عنده منطق سليم وإنصاف وأمانة، متفكرش أبدا في إن ده ممكن يجبلك أكتر، دوَّر على اللى عنده موضوعية وإنصاف وأمانة لأنه لما هينصفك هينصف مصر برضه".
وتابع: "في الانتخابات اختاروا كويس ومتفكروش إن ده أمر بسيط ده صوتكم، وهيكون عليكم مسئوليات، اختاروا كويس، حتى في انتخابات المحليات اللى هتتعمل اختاروا كويس قوي".
ويشهد الرئيس عبدالفتاح السيسي، اليوم الأحد، الاحتفالية التي نظمها الاتحاد العام لنقابات عمال مصر بمناسبة عيد العمال.
وكرم الرئيس عبدالفتاح السيسي خلال احتفال عيد العمال اليوم 10 من قدامى النقابيين ممن أثروا العمل النقابي بفكرهم وعملهم لخدمة العمال، ومنحهم وسام العمل من الطبقة الأولى، فضلا عن اثنين من العاملين المحالين على المعاش بوزارة القوى العاملة، على إسهامهما في مسيرة العمل والعطاء والتلاحم مع العمال وأصحاب الأعمال في خلق بيئة لاستقرار علاقات العمل طوال شغلهما لوظيفتهما.
