علق المطرب تامر حسني على اعتزال حسام غالي لاعب كرة القدم، وذلك عبر صفحته على موقع التواصل الاجتماعي "فيس بوك"، وقال خلال تدوينه كتبها: "تحليل شخصي مش أكتر وأتمنى يطلع غلط بس واثق أنه صح.. اللي يقرأ بين السطور ويركز في كلمة هنا عايز يرتاح وتحديدًا كلمة "مش قادر" يلاقي أن الراجل ده بيبكي من الضغوط والحروب النفسية اللي اتعرض ليها في حياته، رغم أنه بالفعل من أحسن وأرقى لاعبي مصر، بيبكي وبياخد قرار ينهي بيه حياته الكروية بسبب (طاقة سلبية) خرجت من نفوس شريرة مريضة تملكت منه وسيطرت عليه بخلاف اللي بينصح بمحبة فهو مشكور في الحقيقة".
ووجه رسالة لحسام غالي قائلا: "يا حسام أنت فعلًا تقدر تكمل بس أنا مش ضد القرار لأن اعتزالك وأنت في قمتك هيخلد اسمك أنا بس كان نفسي تاخد القرار من غير أي تأثير سلبي عليك عشان كان لازم تكسب المعركة دي عشان الأجيال الجاية تتعلم منك ميستسلموش لأي طاقة سلبية".
وأنهى تامر حسني تدوينته قائلا: "عمومًا ربنا يكون في عونك وأنت أدرى من أي شخص بحالك وإن شاء الله ربنا يكتبلك الصالح ليك وهتوحشنا في الملاعب يا بطل، وأتمنى أنك تعمل ماتش اعتزال تاني في مصر عشان محبينك الكتار اللي مش هيقدروا يسافروا".
