فانيليا
يا بنت الصدفة والممكن
وضل الحلم لحظة صيف
أنا عاشق تفاصيلك
بحسنه ع الخدود تضحك
وحضن ناسى معنى الزيف
فتبقى الصرخة فى قلبى
بلا معنى
...
يا بنت الشمس والأحلام
وكل الورد فى الكوكب
أنا عاشق خطوط سيرك
وضحكك اللى خلك النور
وكل دموعك الخضرا
وحزنك اللى ملو بحور
وبشرة جلدك السمرا
وغنوة عينك البنور
...
ياكل الشعر فى صدرى
ودموعى اللى هانزفها
لمدة قرن جاى قدام
ياكل النوم اللى انا نمته
وكل حلم م الأحلام
أنا قدامكو بستشهد
وبتفتفت متين حته
فتجمعنى ابتسامتها
وطيبة قلبها الاخضر
فيبقى حلمى متسطر
ومستنظر..
تكملى حواديتها
