دشن نشطاء موقع التواصل الاجتماعي "تويتر"، هاشتاج بعنوان "#امتى_يخون_الرجل"، للحديث عما إذا كان الرجل يخون حبيبته، ومناقشة الأسباب والدوافع لذلك.
حملت إجابات النساء جانبًا كبيرًا من تلك الخيانة، إذ قالت ناشطة: "هيخون لو انتي مش ماليه عينه وحياته وقلبه، هيخون لو مقصره في حقه، الخيانة طبع وصفه في الست قبل الراجل مفروض كنتوا تاخدوا بالكوا".
وأضافت أخرى: "الراجل بيخون لما تكون الست نكدية"، وتابعت ثالثة: "ممكن أن الشخصية المرتبط بيها مش قادرة تحتويه".
وقالت "هند": "الرجل لا يخون"، وأوضحت أخرى: "مفيش راجل بيخون لأن الخيانة عمرها ما كانت من شيم الرجال" واختتمت ناشطة ساخرة: "الرجالة مش خاينين.. احنا اللي مزز".