ارتفعت معدلات شراء الليمون والبصل والخس والجرجير، اليوم بسبب الاحتفال بشم النسيم، حيث تراوح سعر كيلو الليمون بين 15 و20 جنيهًا وهو الأعلى على الإطلاق، بعد أن كان بـ10، أما سعر البصل الأخضر فيتراوح من جنيه ونصف للربطة إلى 4 جنيهات للكيلو، ويتراوح سعر كيلو الطماطم إلى 5 جنيهات، أما سعر الخيار فيتراوح من 2.5 جنيه إلى 5 جنيهات للكيلو.
وقال أحمد حسن، بائع بصل أخضر وليمون بالأقصر، "في شم النسيم مش بنلاحق على طلبات الزبائن وزيه عيد الفطر، لأن الإقبال بيزيد على الليمون والبصل اللي بيتاكلوا بعد الصيام سواء عند المسلمين أو المسيحيين، لأن الليمون يكسر سم الفسيخ والأسماك المملحة ودايمًا زرع البصل والليمون بيطلع أحلى في شم النسيم عن السنة كلها، والأسعار بالطبع ترتفع في الوقت لأن الكيلو من الليمون في الوقت العادي بـ 5 جنيهات، يعني شم النسيم موسم رزق والناس بتفرح خصوصا إن الشراء بيكون قليل في الأيام العادية لكن البصل والليمون هما اللي بيكملوا أكل الرنجة والفسيخ ومش هيبقى في شم النسيم من غيرهم ربنا يجعل أيامنا كلها أعياد".
