«تذكرتك يا مريم وتذكرت عيونك.. يخرب بيت عيونك شو حلوين»، «مريم » تبلغ من العمر ١٠ سنوات من الضحك والمرح.
تقول: «اسمى مريم، عندى ١٠ سنين، وماما بتدلعنى وتقولى يا مريومى، بحب ألبس الفساتين أوى، وشاطرة فى المدرسة وبحب الكاراتيه، وبحب أتكلم فرنساوى وأروح المدرسة».
وعن حلمها قالت: «نفسى أكون ضابطة لما أكبر والناس كلها تبقى عارفانى، ونفسى ألعب سباحة، وأظهر فى العروض اللي بتتعمل وبتيجى فى التليفزيون، ودايما ماما وبابا بيشجعونى عشان أكون شاطرة على طول».
وتختتم: «دايمًا بروح المدرسة والنادى علشان أتعلم الكاراتيه والسباحة، وأروح النادى عشان بعشق السباحة والمياه، ونفسى أكبر علشان بحب أسعد الناس الغلابة لأنهم بيصعبوا عليا».