يستيقظ كل صباح قبل أن ينشر الفجر راياته على ربوع الأرض، تبث العصافير زقزقاتها فى أذنه، بينما هو يبث العلم والثقافة وأخبار اليوم فى آذان وأعين زائريه، ممن يحرصون على عادة يرى البعض أنها ستنقرض، ويرى هو أنها ستظل حتى يوم يبعثون.
لم ترد له الجرائد الجميل بعدما عمل فى خدمتها ٢٠ عاما يقف يبيع الجرائد، فتحى عطية الذى تجاوز عمره الـ٥٠ عاما مهدد بغلق كشك الجرائد وسحب الترخيص الخاص به، لأنه لم يسدد ثمن الترخيص، ٥٠٠٠ جنيه، تمنع تشرد عائلة عم فتحى، الذى يعيش بمدينة طوخ بمحافظة القليوبية.
يقول عم فتحي: «كنت ببيع كل يوم أكتر من ألف نسخة لحد سنتين ومن يوم ما غليت أثر ده عليا وعلى معيشتى ودخلى وبقيت ببيع من ٢٠٠ لـ٤٠٠ نسخة بالكتير، فبقيت أعانى أنا واللى بيشتغلوا فى المهنة دى وأخاف يسحبوا منى الترخيص لأن الإقبال قل وأنا مليش مصدر غيره وأولادى لسه بيدرسوا فياريت يبصوا لينا بردوا لأننا بنعانى أكتر بعد ما خدمنا الصحافة بنص عمرنا، وأنا مقدرش أشتغل شغلانة تانية لأنى مريض، وعندى مشكلة فى الرقبة، مقدرش أتحرك بسببها، وعندى بنتى وابنى بيدرسوا فى الجامعة كل اللى يفك أزمتى الـ٥٠٠٠ جنيه».
