يشكو أهالى عمائر المستقبل، التابعة لحى العجوزة، بمحافظة الجيزة، من رفض الحى منح تراخيص الأكشاك والخدمات.
ويقول عطية أحمد: «معندناش واسطة، ولا نملك المبالغ الكبيرة التى يطالبنا بها الحى، ونفسنا يوافق على منح تراخيص فتح أكشاك، علشان نعرف نصرف على عيالنا، وأنا معنديش شغل تانى، ومصاريف الحياه غالية، وأنا متزوج وعندى بنت رضيعة، ومش عارف أصرف عليها منين، غير أكلنا وشربنا، وإحنا ناس على قد حالنا».
أما محمود عدلى، والذى يعمل ميكانيكى موتوسيكلات، فقال: «نفسى يكون عندى ورشة بدل ما واقف فى الشارع، وما قدرتش أوفر ورشة لنفسى، ونفسى فى كشك أو ورشة أشتغل من خلالها بالحلال».
وطالبت الحاجة كريمة دياب، من سكان المنطقة، بإنارة الكشك الذى تعيش منه هى وأسرتها، قائلة: «الكشك مرخص، ونفسى الحى يشوف مشاكلنا وعايزة أدخل الكهرباء بدل ما أنا قاعدة فى الضلمة، وبضطر أروح قبل المغرب قبل الدنيا ما تضلم عليا».