عبد الرحيم علي يفضح خونة الثورة.. وتزوير تقارير أمن الدولة

النجار لـ"منعم": "شوف لي ملفي في لاظوغلي"

بالصوت.. "النجار" و"الحتة" يتفقان على تزوير تقارير أمن الدولة

النجار لـ"شكري": هنجيب البرادعي رئيس وربنا يسامحنا

واصل الدكتور عبدالرحيم علي، رئيس تحرير "البوابة نيوز" انفراداته الخاصة بتسجيلات عدد من نشطاء السبوبة، ليواصل رحلته في كشف فسادهم، متحديا كل الضغوط التي مورست ضده للتوقف على إذاعة تلك التسريبات.  

وقال رئيس تحرير "البوابة نيوز"، قد أخسر الدنيا نعم قد أخسر الكلمات والذكرى نعم لكني سأظل أقول لا لكل من يمنعني عن فضح أعضاء حركة 6 أبريل فلقد سقط القناع عن الكثيرين.

وأضاف خلال حلقة اليوم الاثنين من برنامجه "الصندوق الأسود" على فضائية "القاهرة والناس"، لقد سقط القناع عن الكثيرين الذين دافعوا مرارًا وتكرارًا عن خونة 6 أبريل لكننا أقسمنا أن نكون دولة قوية وذات إرادة مهما كره الكارهون فهم لا يريدون أن تعرفوا ما حدث.

وقال إن هؤلاء الذين لا يريدونكم أن تعرفوا الحقيقة يختبئون بينكم لانتهاز الفرصة للانقضاض عليكم.. فكونوا حذرين لذلك.

وكشف عن مكالمة بين الناشط السياسي، مصطفى النجار، وعبد المنعم إمام، مسئول حملة "البرادعي رئيسا" بالمحافظات.

وعرض الكاتب الصحفي، عبدالرحيم علي، رئيس تحرير "البوابة نيوز"، خلال حلقة اليوم من برنامج "الصندوق الأسود" المذاع الآن على قناة "القاهرة والناس"، مكالمة تليفونية دارت بين كل من الناشط السياسي مصطفى النجار، والدكتور أحمد شكري، ابن أخت الدكتور محمد البرادعي، مستشار رئيس الجمهورية السابق.

ونص المكالمة كما يلي:

شكري: آلو

النجار: دكتور أحمد شكري

شكري: حبي.. طمني

النجار: فاتتك قعدة تاريخية

شكري: ياااه بقى متقعدش تعذبني.. قولي إيه اللي حصل

النجار: مفيش جديد عادي 

شكري: إيه يا عم أنا كلمت عبدالمنعم قالي إيجابية جدًا وبتاع 

النجار: الواد عبدالمنعم ده سطحي آخر حاجة.. وفعلاً أنا بفكر أمشّيه من الحزب عشان منفوخ منه 

شكري: بقوله إيه الأخبار؟ قالي أنا في المواصلات.. ومش هقدر أتكلم.. قولتله يعني إيه إيجابية.. قالي آه إيجابية جدًا جدًا

النجار: لا.. بص هو أهم حاجة وصلنالها أقنعته إن إحنا لازم نلعب سياسة ونبقى برجماتيين 

شكري: صح كده 

النجار: تمام.. طيب.. فاقولتله إحنا دلوقتي عمرو موسى رايح جاي.. نقعد معاه ونسمع منه مفيش مشكلة.. بس كده كده إحنا مش انفولدد معاه.. ولكن 

شكري: الكلام على مين 

النجار: عمرو موسى عايز يتغدى معاه.. قولتله اتغدى معاه متتغداش معاه ليه! 

شكري: آه بالضبط 

النجار: آه قولتله مرشد الإخوان نقعد معاه نشوف أولهم وآخرهم إيه.. ومعانا ولا مع عمرو موسى 

شكري: آه 

النجار: الحاجة التانية إحنا دلوقتي مين اللي موجود نستوعبه.. هشام البسطويسي عايز يبقى ريس تعالى.. هشام بسطويسي أنت هتبقى نائب الريس

شكري: آه

النجار: أحمد زويل تعالى أحمد زويل إنت كده كده الدستور بيقول إنك متنفعش ريس ولا نائب ريس فتعالى رئيس وزراء 

شكري: آه

النجار: واخد بالك.. فاقتنع البوب الصالح قالي إبدأ اتصالاتك 

شكري: تمام.. فاااا هنبدأ اتصالاتنا 

شكري: ها

النجار: عايزين مدير وبتاع وكلام كده.. فقولتله والله مفيش 

شكري: إيه.. هتبدأ اتصالات إيه؟

النجار: أكلم بقى هشام وأكلم الناس ديه يعني.. وأبوالغار هيكلم زويل 

شكري: آه

النجار: وهنشوف بقا 

شكري: حلو 

النجار: فاهمني أنت الديل دوت 

شكري: تمام

النجار: يعني عشان لما نعمل المؤتمر الصحفي للترشح للرئاسة نلاقي زويل واقف جنبه نلاقي فاروق الباز نلاقي هشام البسطويسي وإحنا يبقى كده خلصت 

شكري: تمام تمام 

النجار: بس.. والله العظيم يا ميدو يعني هنجبهولك رئيس يا ميدو.. هنجبهولك رئيس بس يعني ربنا يسامحنا يا ميدو

شكري: جبت سيرة الحزب ولا مجبتش 

النجار: لا لا مجبناش سيرة الحزب خالص.. بس بسرعة قولتله إحنا كده كده شغالين في موضوع الحزب، ولازم كده وده مش حزب البرادعي وأكدت عليه كده.. بس في البلاااالة يا عم علي يا عم.. يخرب.. أبوس إيدك والنبي خلي علي يسافر

شكري: ليه بس قاله إيه.. قال إيه؟

النجار: مفيش يا عم لسه بيفكر بنفس الشكل الغلبان قوي.. مسكين يا أحمد مسكين

شكري: اللي هو إيه بس طمني.. قولي

النجار: اللي هو كده.. الشكل اللي هو إيه طريقة التفكير نفسها 

شكري: زي إيه يعني

النجار: بشكل عام يا أحمد 

شكري: اللي هي طب شوفوا كده.. صح؟

النجار: آه آه اللي هو مفيش كده طب نعمل إيه.. قولتله لا.. هجيب مروة.. مروة مفرغها

شكري: آه

النجار: مروة مفرغها تيجي تخدلها 2000 دولار في الشهر.. تقعد تعملنا كده.. بيقولي واحدة اسمها جليلة عايزة تساعدنا وبتاع.. قولتله بص ولا جليلة بلا جليلاشي.. مروة.. قولتله مروة راحت معايا مركز المعلومات اتخاذ القرار.. البنت قعدت هناك ثبتت كل الناس.. العلم اللي عندها والكلام اللي عندها يعني محدش في مصر عنده للأسف يعني.. والله العظيم يا أحمد.. قعدت معاهم يخرب بيت كده.. الناس دي وقعوا يعني بس.. فقولتله بس على الله أصلاً مروة ترضى أصلاً

شكري: دلوقتي أنت رايح العاشرة مساءً.. ولا رايح فين

النجار: اااا لا أجلنا العاشرة مساءً لبكره.. قلنا نستنا ونشوف تطور الأحداث ايه.. ضربوا الناس عند لاظلوغي جامد على فكرة

شكري: ااه بس في كلام أن اللي هناك ناس بلطجية.. مش بلطجية ناس من المنطقة يعني ناس كده على توتير 

النجار: مش عارف لسه هنتأكد 

شكري: أنت رايح فين رايح فين 

النجار: أنا في أكتوبر دلوقتي روحت البيت.. عشان اقعد اكتب كام مقال كده وقاعد اكتب الرموز الحزبية اللي هنخدها معانا

شكري: لا لا عايزين نتكلم في موضوع الحزب ده ضروري.. فيه حاجات كتير إحنا انجزناها امبارح وفي حاجات عايزين نعرف الخطوات يعني

النجار: طيب ما تخلص شغلك وبتاع وتكلمني متأخر شوية.. ساعة كده ولا حاجة ادخل البيت أقلع هدومي وكده يعني 

شكري: ماشي ظبط نفسك كده واديني رنة وأطلبك أنا.. في حاجات دلوقتي .. وحاجات إحنا وصلنالها امبارح.. ونحط شوية نقط على الحروف وكده وخلاص.. ماشي

النجار: طيب ماشي ماشي

شكري: بس خلص فضي نفسك كده واديني رنة 

النجار: طيب 

شكري: حاول تستعجل سلام.

وقال علي إن مصطفى النجار كان من المقربين جدًّا للبرادعي ويعرفه جيدًا.

وأضاف: "النجار بيقول ربنا يسامحنا على إننا هنخلى البرادعي رئيس لمصر".

وقال علي: "ربنا يسامحك على إيه يا نجار.. انت عارف يعني إن البرادعي مصيبة وهتبلي بيها مصر والمصريين.. منك لله.. ماحدش هيسامحك ولا أنت ولا الخونة اللي معاك اللي حاولوا يضحكوا على المصريين ويسرقوا ثورتهم".

وعلق على التسجيل الذي أذاعه في برنامج "الصندوق الأسود" ويتضمن مكالمة هاتفية للناشط مصطىفى النجار، وصديقه محمود الحتة، حول تزوير ورقة للتشهير بعبدالرحمن سمير، منسق حملة محمد البرادعي، قائلًا "شوفتوا وساخة أكتر من كدة؟".

وأضاف : إن النجار، والحتة، زورا الورقة لسمير ليظهر كمدان في أمن الدولة، لإزاحته من طريقهما لوجود خلافات بينهما.

وقال "علي": "شوفتوا عمل إيه للتخلص من زميلهما ورفيق دربهما عبد الرحمن سمير؟"، موضحًا: "أنهما أخذا ورق أمن الدولة الذي استطاعا سرقته من مقرات أمن الدولة وحذفا الأسماء والصور القديمة منه، ووضعا أسماء وصور لأصدقائهما وزملاء دربهما الثوري".

ووجه "علي" كلمة لرافضي إذاعة تلك الفضائح احترامًا للأخلاق، قائلًا: هل لمثل هؤلاء أخلاق؟ إنهم يبيعون أصدقاءهم وأي شيء من أجل مصلحتهم الشخصية، ويجب تعريتهم أمام الجميع لكشف خونة الثورة وسارقي أحلام الثوار الحقيقيين من المصريين البسطاء الشرفاء.

وطلب عبد الرحيم علي، تفويضا شعبيا من المصريين عبر مواقع التواصل الاجتماعي ليستمر في إذاعة التسجيلات الخاصة بفضح خونة الوطن الذين يسعون لهدم مصر.

ونوه علي، إلى أن الحلقة القادمة من برنامجه "الصندوق الأسود" على فضائية "القاهرة والناس"، الأربعاء المقبل، ستكون الأخيرة له في نشر فضائح خونة مصر، مضيفًا أنه يريد تفويضا شعبيا لاستمراره في فضح كل من خان ثورة مصر وثوارها من المواطنين الشرفاء.