كشف الدكتور عبدالرحيم علي رئيس تحرير البوابة نيوز، في حلقة برنامجه "الصندوق الأسود"، المذاع على قناة القاهرة والناس، نص مكالمة جرت بين القياديين بحركة شباب 6 أبريل أسماء محفوظ ومحمد عادل، أثناء اقتحام مقر أمن الدولة، حيث طالب عادل، أسماء محفوظ بحشد المواطنين أمام مقر الجهاز.
* أسماء محفوظ: يا محمد.. آلو.. عامل ايه؟
* محمد: إزيك يا أسماء.. ايه أخبارك.. بقولك ايه عايز منك خدمة
* أسماء محفوظ: اتفضل
* محمد: احنا دلوقتي عند مقر أمن الدولة في مدينة نصر
* أسماء محفوظ: تمام.. عندك كام واحد جنبك
* محمد: معايا كتير.. أكتر من 7 تلاف واحد
* أسماء محفوظ: هايل
* محمد: بقولك ايه معايا عبدالرحمن عز ومصطفى ماهر والناس بتاعتنا.. محتاج بس ان انتي تعملي حشد على صفحتك
* أسماء محفوظ: طب خلي بالك من المداخل والمخارج اللي هي تحت الأرض دي
* محمد: منا عارف منا عارف.. احنا بس محتاجين حشد فاهمة.. كل ما يكون العدد كبير كل ما يكون فيه ضغط أكبر
* أسماء محفوظ: وأنا طالعة عالهوا كمان ساعة وهقول ده.. في الأوربت.. وهخش كمان على الصفحة واجبلكم الناس.
