فى منطقة «داير الناحية» في حي الدقي بالجيزة، تنعدم الخدمات بشكل كلى، فلا يوجد وجه مقارنة فى الخدمات بين شوارع المحافظة، وينصب الاهتمام على المناطق الراقية، أما فى المناطق الشعبية فالشوارع مظلمة، والمياه تغرق الشوارع حال سقوط الأمطار.
يقول إبراهيم محمد على، ٦٧ سنة، «الشوارع مظلمة وترددنا على الحى أكثر من مرة لإضاءة كشافات النور بالأعمدة ولا حياة لمن تنادى، الناس خايفة تمشى فى الشارع والبلطجية بيستغلوا ظلام الشوارع فى شرب المخدرات والمتاجرة بها».
كما أن صرف الأمطار مش شغال وغير متصل بالصرف الصحى مما يتسبب فى غرق الشوارع بمياه الأمطار فى فصل الشتاء وتعطل الحركة للمارة والسيارات.
ويقول محمد عادل، ٤٤ سنة، «إن الخطر الأكبر فى كابلات الأعمدة المتصلة بالكهرباء والموجودة على سطح الأرض والمفروض لها بنية تحتية تحت الأرض، وده حال كل الأعمدة والشوارع لو حصل مطر شديد على الأرض هتعمل ماس كهربائى وهتكهرب الشوارع وده الأخطر، فين شركات الكهرباء دى حاجة ميتسكتش عليها، ياريت الشركة تتحرك وتسعفنا وتدخل الكابلات داخل الأرض، كمان كل ما يحصل صيانة أو تركيب من غاز أو كهرباء بيسيبوا كل حاجه على وضعها».
