وجه الفنان شريف منير رسالة قوية للمذيع الهارب معتز مطر، وقال له في تدوينة نشرها عبر صفحته بموقع التواصل الاجتماعي "فيس بوك": "معتز مطر مش عاجبه إنى فرحان بالعمليات العسكرية إللى بيقوم بيها أولادنا وأخواتنا فى سينا.. طب بالذمة إللى إنتوا بتشوفوه وبتسمعوه فى البيان ده يفرح واللا لأ ؟؟، الحاجة التانية طبعًا كلنا عارفين إن معتز مطر بيشتغل عند قناة الشرق، بيوجه لى رسالة إنى لو شجاع وأملك الجرأة أتناقش معاه فيما يحدث من الجيش المصرى على أرض سينا، وانا بقوله.. طب ماتورينا الشجاعة إنت وحبايبك ويتجوا تتناقشوا هنا على أرض مصر، مش فى التليفونات وعلى الشاشات التركية.. للأسف إنتوا محرومين من إحساس السعادة بإنتصار جيشنا إللى حيتحقق كاملًا عن قريب بإذن الله..على أعداء الوطن وأعداء الدين، لإن مافيش دين يرضى باللى بيعملوه الدواعش ومن هم على شاكلتهم، من دبح وحرق وتعذيب وتدمير، ولما تعرض مكالمة تليفونية.. إبقى إعرضها عَلى بعضها.. مش ولاتقربوا الصلاة.. ونسكت.. خليك أمين وانت بتعرض شغلك.. يا معتز."
