«ما عرفتش يعنى إيه كلمة وطن، غير لما سافرت مع بابا وماما السعودية، واستقريت فترة هناك، ساعتها بس حسيت بقيمة مصر، وأول لما جت الفرصة أنزل مصر، ما زعلتش إنى هسيب ماما وبابا وإخواتى، كل اللى فكرت فيه أرجع مصر وأشوف نانا وأصحابى».. بهذه الكلمات بدأت الوطنية الصغيرة «شهد» حديثها.
«شهد حسين» أتمت ١١ عاما من عمرها، انتقلت مع أسرتها للمملكة السعودية، حسبما تطلبت ظروف عمل والدها، لكن الضرائب التى فُرضت على المغتربين هناك، أتت بما يشتت الأسر.
وتقول «شهد»: «بابا اضطر يرجعنى مصر، علشان الدراسة ما تضيعش عليا، خاصة بعد ما اتفاجئنا بدفع ضرائب وفلوس كتيرة هناك، فنزلت مصر واستضافتنى نانا مامة ماما، علشان السنة ما تضيعش عليا، وإخواتى صغيرين فضلوا هناك لحد ما يشوفوا هيرجعوا امتى».
وتتابع قائلة: «فرحت إنى هنزل مصر وأشوف عيلتى، وهكمل تعليمي فى مدرسة مصرية»، وتضيف قائلة: «أنا أول ما سمعت نشيد «بلادى» حسيت إحساس غريب ما حستوش قبل ما أسافر بره مصر، وحقيقى اللى يسيب مصر يبقى غلطان».
