يعانى سكان شارع الحسنى بميت عقبة، من غرق الشارع بمياه الصرف الصحى بشكل مستمر، الأمر الذى يعوق حركة مرور المواطنين.
ورغم أن الشارع يقع فى منطقة حيوية ومهمة، بالقرب من مستشفى مصطفى محمود، إلا أن الشارع ينقسم نصفين، يهتم الحى بالجزء الأمامى منه، ويترك الجزء الآخر، القمامة تملأه دون تدخل أى مسئول.
وناشد الأهالى، الحى، بسرعة حل المشكلة التى لا تتخطى أن يقوم عمال النظافة بدورهم، وإعادة إصلاح مواسير الصرف، يقول إبراهيم دعبس: «إحنا هنا فى الشارع مقسوم نصين، نص نضيف وبيتم تجميله، والنص التانى محدش بيسأل فيه، حظنا السئ إننا فى الجانب المهمل من الشارع، الحكاية تتلخص أن كل يوم خميس ماسورة الصرف بتطفح من غير ما نعرف السبب، هل من الحمولة أو محتاجة صيانة، بنتصل على ١٢٥ مرة ياجوا يشيلوا الميه ومرة لا».
وتابع: «أول ما تدخل الشارع هتقول إن الشارع نضيف جدا وفيه اهتمام، وبمجرد وصولك لنصه بس هتلاقى الزبالة فى كل مكان، احنا بنشارك مع بعض وننظفه لكن هل يعقل إننا نقوم بدور الحى، ونناشد النائب عبدالرحيم على، بالتواصل مع الحى وكشف إهمالهم عشان نعرف التقصير من مين».
وناشد الأهالى، الحى، بسرعة حل المشكلة التى لا تتخطى أن يقوم عمال النظافة بدورهم، وإعادة إصلاح مواسير الصرف.
