قال الرئيس عبدالفتاح السيسي: إنه أكثر رئيس تكلم مع شعبه في موضوعات مختلفة، وكان من الممكن أن يقوم الإعلام أو المسجد أو المدرسة بهذا الدور، متابعًا: "هل مصر متستحقش منك يا مصرى تقعد 10 أيام عشان تفكر وتختار، هل متستحقش منك توقف يومين فى الشارع عشان تختار، اختاروا جيدا بدل ما تقولوا اللى جاى هيعمل إيه، اللى جاء هيعمل بناء على اختيارتكم"، في إشارة منه للانتخابات الرئاسية المقبلة.
وتابع السيسي، اليوم الجمعة، خلال جلسة "اسأل الرئيس": "أنا لو أقدر أمنع الفاسد إنه يتولى أمركم كنت منعته، وأنا عارف الفاسد مين، عارفهم كويس لكن لأمانة المسئولية اللى هيقرب من الفاسدين من الكرسى ده يحذر منى، أنا مش هبقى حكر عليكم، لكن فيه ناس لن أسمح لهم بالاقتراب من الكرسى ده".
وأردف "الرئيس" أنه لن يكون حكرًا على اختيار المصريين لرئيسهم القادم فى الانتخابات الرئاسية، موصيًا الشعب بأن يختار الأصلح، ومن يأتمنونه على مستقبلهم ومستقبل أولادهم، محذرًا أنه لن يسمح لفاسد بالاقتراب من هذا المنصب.
يشار إلى أن فعاليات مؤتمر "حكاية وطن" تعقد لليوم الثالث على التوالي بحضور الرئيس عبدالفتاح السيسي، وعدد من الوزراء والشخصيات العامة.
