«اشتغلت ١٠٠ شغلانة، فى المقاولات وفى المحلات، كان معايا فرش حريمى إكسسوارات فى المهندسين وصفيته، البلد كلها واقعة حتى المحلات اللى جنبى مكنتش بتبيع، وكنت بأكل سندوتشات على الفرش اللى جنبى، فجتلى الفكرة إنى أقف أبيع سندوتشات».. بتلك الكلمات بدأ «عرفه السيد» بائع السندوتشات حديثه لـ"البوابة نيوز".
وأضاف: «بقف على الفرشة من ٧ الصبح لحد ١٠ بليل، بيطلعلي ٥٠ أو ٦٠ جنيها فى اليوم، بصرف منهم على مراتى ووالدي والدتي، وبدفع منهم ٥٠٠ جنيه إيجار الشقة».
وتابع عرفة «بتوع الحى بيخدوا البضاعة لدار الأيتام مش عارفين الواحد جاب حق البضاعة دي إزاى، ولازم الدولة تحس بالناس اللى بتنام من غير عشا، أنا الحمد لله بصحتى بعرف أجيب الجنيه، وفى غيرى مش قادر يجيبه اللى إيده أو رجله مقطوعين ربنا يكون فى عونه».
واختتم: «مش عايز أكتر من كشك أكل منه عيش، أنا اتحبست قبل كده ٣ سنين، ومن حقي استلم كشك من الدولة، وطالبت بيه كتير ومن غير أى فايدة».
