قال الإعلامي رامي رضوان، إن مهاجم الأهلي وليد أزارو هو اللاعب العربي الرابع، وأول لاعب مغربي يحرز أهدافا في مباراة القمة، مشيرًا إلى أن متابعي كرم القدم يقولون "إنه منحوس شوية، لكن الكرة اللي قطعها من الشناوي حارس مرمى الزمالك، لا يوجد بها سوء حظ ولا نحس ولا أي حاجة".
وأضاف "رضوان" خلال تقديمه لبرنامجه "8 الصبح" على فضائية "dmc"، اليوم الثلاثاء، "أزارو بيتحرك كويس بيلاقي مساحات لنفسه كويس، وبتجيله فرص كتير لكنه بنسبة 50% بيضيع أغلبها، الفرصة اللي ضاعت منه امبارح دي بتاعت امكانيات لاعب، مش سوء حظ خالص، فهل هو بيتوتر بسرعة قدام الجول، ولا ثقته في نفسه موصلتش للحد اللي تخليه يحط جول بسهولة؟، والجول اللي جابه كان لازم ييجي أصلا".
