«الشغل مش حرام ولا عيب.. وأنا عايز أخفف عن أهلى شوية»، بهذه الكلمات وصف الطالب ذو الوجه البشوش ابن الـ ١٧ عاما حالته، فـ«عمر طالب فى المرحلة الأخيرة من الثانوية العامة، ولكنه قرر أن يساند والده ويخفف عنه حمل المصاريف، وبخاصة كما يقول: فلوس الدروس الخصوصية التى وصل ثمن حصة أى مادة دراسية فيها إلى ٥٥ جنيها فى الساعة»، وجدته «البوابة» واقفا بجوار كلية طب الأسنان جامعة القاهرة فى المنيل، ومعه كيس محمل بالسندويتشات المختلفة لبيعها للطلاب.
يقول «عمر» ووجهه تملأه الابتسامة: «أنا شايف أزاى الدنيا بقت صعبة وبابا تعبان معايا أنا وإخواتى والمدرسين بتوع الثانوية العامة مش بيرحموا، فقررت أنى أدعمه وأشتغل شغلانة شريفة أجيب منها مصاريف دراستي، وكل ده كان بدعم من والدتى؛ لأنها هى اللى بتعملى الأكل وبتغلفه وأنا بنزل أبيعه».
سويعات قليلة وحكاية «عمر» باتت حديث مواقع التواصل الاجتماعي، وبات الشاب الصغير طالب الثانوية محل فخر وتباهٍ، ونموذجا لغيره من الشباب.
