فى إطار اهتمام مبادرة "مصرية بـ100" التى أطلقتها الدكتورة غادة عبدالرحيم مؤسس "ولادها سندها" ومدير عام "البوابة نيوز" لرعاية السيدات المعيلات والتوعية بأهمية المشروعات الصغيرة والصناعات اليدوية فى تنمية الأسرة، تسعى المبادرة إلى تدريب العديد من الأسرة على زيادة خلها بمهن الخياطة وصناعة الهاند ميد من المشغولات اليديوية والحلى والاكسسوارات والتطريز وصناعة الجريد والخوص داخل القرى بالصعيد.
ولاقت حملة مصرية بـ100 نجاحا وإقبالا كبيرا من السيدات.
والتقت "البوابة نيوز" بعدد من صانعات الجريد والخيامية حيث قالت زينهم فتحى: "أنا اتعلمت المصنوعات اليدوية عشان افتح مشروع فى منزلى وأساعد أسرتى وأبنائى واحب اقول لكل الناس إن الست الصعيدية ممكن تعمل أى حاجة وتقدر أنها تصنع من الخيامية كل شيء مفروشات وستائر وشنط للعيال ومقلمة ومنتجات كثيرة بدلا من أن أشتريها بأسعار مرتفعة وممكن أعمل مشروعا أعلم ولادى وبناتى وأقاربى ونسوق ونكفى نفسنا بس نتمنى أن المسئولين يساعدونا على على التسويق وإحنا لدينا القدرة على التحدى والنجاح فى أى صناعة ".
وأضافت سلوى شاهين: "أنا استفدت من حرفة الجريد وهو متوفر عندنا فى البلد ومكناش نعرف إزاى نستغلة فى الأول، واكتشفنا أن الجريد بيتعمل منه كل حاجة، وبنستخدمه من زمان لكن مكناش نعرف إزاى يتصنع الأقفاص والسبت وسلة الزبالة ومنتجات كتيرة".
وتابعت: "نتمنى نشترك مع بعض فى مشروعات هتزود دخلنا ودخل قريتنا لكن محتاجين مكان ننمى فية قدراتنا ونشوف كم ست من ذوى الإحتايجات الخاصة ونعلمهم التدريبات دى عشان يستفيدوا منها، والست الصعيدية فى القرية اكتر ست تهتم بالشغل والحرف بس عاوزة الى ينمى المهارات دى جواها وبدل ماحنا قاعدين نربى الأولاد ممكن نتعلم ونعمل مشروعات جريد وحرف كثيرة تساعد على زيادة دخلنا".
وقالت صباح شيمى: "انا بعمل اقفاص وخيامية ومفروشات واكتر من صناعة وبعمل منتجات تنفعنى فى بيتى بدل ماشتريها لأن الست الفلاحة الصعيدية ب 100 راجل ولو اتوفرلها امكانيات تعمل منة اى حاجة تفيدها ممكن تعمل ابداعات وتصنع من الجريد ذهبا".
وأضافت نبيلة عبدالحكيم: "انا اخدت تدريبات واتعلمت ازاى اعمل مشروع من الخيامية وزاى اعمل مفروشات وانا هعلم البنات اصحابى واستغلة واعلم كل الفتيات عشان يفيدو نفسهم واسرتهم واحنا هنا فى الريف نقدر نعمل كل حاجة والست الفلاحة تقدر تعلم عيالها وتربى اسرة وتشتغل فى الزرع وتعمل مشروعات وتقوم ببيتها وتصرف عليه".
ووجهت صانعات الخيامية والجريد الشكر للدكتورة غادة عبدالرحيم وحملة مصرية ب100 لاهتمامها بالسيدات وتلسيط الضوء عليهم ورفع قدراتهم وتشجيعهم على الصناعات الصغيرة التى تعود بالنفع عليهم وعلى اسرهم مطالبين المسئولين بفتح اسواق لمنتجات السيدات المنزلية.
