المبنى عايز كشافات.. والشرطة تحمى البنات.. والزبالة تتشال
يعانى أولياء أمور مدرسة الكرامة بنات بمنطقة أرض اللواء من أن المدرسة بها مئات من الطلاب وعلى فترتين وهناك مشاكل عدة ويناشدون النائب عبدالرحيم على لحلها، تقول لبنى عبدالعزيز: «عندى بنت فى المدرسة، وعلشانها يوميا بستناها قدام المدرسة، بخاف عليها بسبب إن مفيش تأمين للبنات وفى تحرش، روحنا اشتكينا فى المدرسة قالوا ملناش دعوة دى مش شغلتنا إننا نأمن حد روحوا اطلبوا الشرطة، فلو حتى وقف أمين شرطة قدام المدرسة الأمر هيتحل، غير كدا الإضاءة فى المدرسة منعدمة، يعنى عشان أجيب بنتى لازم يكون معايا كشاف أفضل أدور عليها بين الطلبة ودول بالمئات، رحنا الحى قالوا ربنا يسهل، وكل يوم يبررون ويقولون حجة جديدة، والمشكلة الأكبر بيسيبوا أسلاك كهرباء مكشوفة يعنى دا ممكن يعرض الطلبة لماس كهربائي، والمناشدات ولا حد بيبصلها، احنا مش معانا فلوس عشان نعلمهم تعليم خاص يا ريت يا دكتور عبدالرحيم تزور المدرسة وتضع لنا حدا للى بيحصل ده، أنت صوتنا عند المسئولين».
وتضيف صفية مصطفي: «كل أولياء الأمور بتلاقيهم هنا قدام المدرسة عشان نحمى عيالنا، قدمنا شكاوى للإدارة التعليمية وكل اللى عملوه إنهم قدموا وقت الخروج ١٠ دقائق وعشان زحمة الفصول قدمنا طلبا ومضينا عليه لكي يوفروا مبنى تانى هيبنوه، قالوا الحى رفض الفكرة، وإحنا مقضيين حياتنا بين إننا نروح الحى نقدم شكوى ونروح التعليم نقدم شكوى ولما قالوا نجيب عربية شرطة تؤمن قالوا أصل عربية الشرطة عايزة ٥٠ جنيه عشان تيجى منعرفش الكلام دا صح ولا حجة.
