«ده حبيب قلبى وحبيب قلب مامته.. أشقى وأحلى وأذكى طفل بس ده كان قبل ما نعرف كلنا إنه عنده تعب جامد فى قلبه.. ياسين ٥ سنين ولسه ظاهر عليه التعب.
من كام شهر اتنفخت بطن ياسين للدرجة دى وورمت رجله وملت الميه كل جسمه.. جريت أمه بيه وجدته لأن والده مش موجود، وللأسف اتقفلت فى وشهم كل الأبواب».. هذا كان نص رسالة على صفحات التواصل الاجتماعى وأسفل منها رقم هاتف.
«صوت الناس» بـ«البوابة»، تواصلت مع جدة الطفل، التى خرج صوتها بالكاد لتؤكد أن حالة ياسين تحتاج «مضخة للقلب»، ولا بد من سفر الطفل للخارج، وتواصل الجدة: «إحنا مش محتاجين فلوس.. إحنا محتاجين ولاد الحلال يسعدونا فى السفر لعمل العملية.. ده إحنا فى حالة ربنا يعلم بيها.. لكن عندنا عشم فى ربنا»، أخبرنا الجدة أننا سننشر الحالة ربما يراها فاعل خير وتكون «البوابة» سببا فى عودة البسمة إلى هذه الأسرة، فانفرج صوت الجدة وكأنها تنتظر حتى الدعم بالكلمة.. فبرجاء مساعدة ياسين وهذه أرقام التواصل مع الحالة «٠١٠٠٠١٧٤٨٢٦_ ٠١٠٠٨٥٤٠٥٥٩».