انفراد في تسريب جديد: ماهر "يُؤسفن" غنيم للاستيلاء على "السبوبة"

تابع أحدث الأخبار عبر تطبيق

تواصل "البوابة نيوز" نشر انفرادها الخاص بتمويل حركة "6 إبريل"، حيث تعرض تسجيلا لأحمد ماهر، مؤسس حركة "6 إبريل"، مع  رجل الأعمال عمرو حمزة النشرتي صاحب سلسلة محلات "سنسبري" ، وعضو الحزب الوطني المنحل ،والهارب إلي لندن بعد حصوله علي أموال المصريين من البنوك في صورة قروض بملايين الجنيهات.

ويدور في الاتصال بين الطرفين

-   ايه يا أبو حميد أنت فين 

-   إزي حضرتك عامل إيه

-  إنت عامل إيه

-    تمام الحمد لله يا فندم ماشي الحال

-    ربنا يكرمك يا رب إيه الأخبار يا أبو حميد

- الحمد لله الدنيا كويسة، قعدنا يوم الاااااا قعدنا أول امبارح مع المجلس العسكري وفي شوية حاجات كانوا لطاف فيها، ووافقوا عليها بس مدوناش جدول معين زمني، وحاجة تانية قفشوا فيها خالص.

-        وإيه الأخبار تاني؟

- لسه بنحاول نجمع وبنعمل اجتماعات يومية مع الناس في القاهرة والمحافظات عملنا مجموعات كتير الفترة اللي فاتت دي في محافظات كتير يعني وشغالين وفي برضه كذا حد عرف برضه يتصرف في مقرات في كذا محافظة بحيث برضو يكون لينا مقر بقي بيافطة

-    تمام

-  شغالين في قرار تأسيس جمعية دلوقتي مؤقتة لغاية ما نشوف موضوع الحزب ده، مش رافضينه بس لسه برضو عاوز ترتيبات تانية، هنبدأ نظبط قواعدنا وورقنا وكل حاجة لغاية ما نعرف ننطلق يعني لو عملنا حزب باسم فقط من غير ما يكون ليك قواعد ملوش لازمة.

-   أهم حاجة أنت موجود في الشارع.

- بالضبط إحنا لينا اسم كويس اسمنا الحمد لله "6 إبريل" اسم عالمي معروف في دول كتير كمان واسم مؤثر وفي نفس الوقت لينا كمان قواعد بننميها بحيث لو جينا نتحول لحزب تبقى قواعدنا موجودة هنغير بس اليافطة مش أكتر من كده.

-   أنا رأيي إن إنت تعمل خدمة للجماهير أكتر، إن إنت تعمل خدمة للناس أفضل وبعدين من خلال الخدمة دي تتحول إلى حزب ده أحسن تفكير بس هي المشكلة كلها في الوقت، الوقت مش ساعفنا.

- الوقت مش ساعفنا خالص، وعايزين مجهود ضخم عشان نعرف نعمل حاجة عشان تعرف تجيب مقرات في كذا مكان وتجيب أجهزة وتجيب كراسي وتجيب وتقابل ناس وتعمل برامج، وتدريب للناس اللي جاية وتشغلهم كمان عشان لو جم من غير ما تلاقي شغل ليهم في حاجة في خدمة أو تستغله مجهوده هيمشس يعني حاجة أأ.

-  طب قول لي يا أحمد أنا من خلال مجموعة من الأصدقاء اللي هنا ممكن محتاج محتاج تمويل قد ايه بالنسبة لـ عشان مقراتك.

- ع الأقل مثلا مقر في كل محافظة نبدأ بيه مثلا، كل اللي عندنا 10 محافظات، بلاش 10 محافظات خليهم 3 محافظات رئيسية يعني عندنا مجموعة كبيرة من.

-        اهتم أكتر بالمحافظات الفقيرة إن إنت تبقى متواجد فيها فاهم قصدي إيه وبعدين أخرج ع المحافظات التانية، يعني خش ع المحافظات اللي هما حتى الإخوان المسلمين التواجد بتاعهم فيها ضعيف.

- لينا في سينا لينا مجموعة في سينا كبيرة، وفي العريش في مجموعة كبيرة كمان، وفي ناس بتساعد برضو في حاجات زي كده يعني.

- عمومًا هقولك على حاجة، أنا يعني في مجموعة من أصدقائنا هنا هو يعني مصريين عايشين في إنجلترا على أتم استعداد إن هما يعني إمم أنا كنت قاعد واتكلمت معاهم وبتاع ومش عارف إيه، فبالعكس إحنا ممكن نعمل فندينج فانت، شوف إنت محتاج إيه وقد إيه ونبتدي نتكلم يعني.

-  تمام.

-       خلاص كلمني بس قول لي إحنا محتاجين كذا، عشان نفتح كذا

-   هاعملك حاجة مبدئية كده هو، وابعتلك على الميل اللي بعتلك عليه قبل كده ولا اتغير؟

-   آه هو نفس الميل.

-    خلاص أوكيه.

-    خلاص ابعتلي عن طريق البتاع، قعدتوا في الشقة ولا لسه؟

-    آه النهارده ظبطنا وجبنا شوية كراسي ودفعنا الكهربا ونضفناها.

-   تمام تمام ربنا يكرمك يا أحمد، وكلمني على طول يا أحمد يعني لو عاوز أي حاجة.

-     تمام إن شاء الله.

-     خلاص يا حبيبي يلا على اتصال.

-     إن شاء الله.

http://youtu.be/SJ5lpPY9qro

"البوابة نيوز" تنشر مكالمة بين ماهر وأحد النشطاء حول تبرعات من مصريين في الكويت

تنشر "البوابة نيوز" تسجيل لمكالمة تجمع أحمد ماهر، منسق حركة "6 إبريل"، وأحد النشطاء السياسيين، وتدور حول ندوة في دولة الكويت، وجمع للتبرعات.

ويقنع الناشط ماهر خلال المكالمة بضرورة السفر مع الناشطين السياسيين وائل غنيم ومصطفى النجار، حتي يكون هناك طرفان فيما يخص التبرعات.

نص المكالمة

-    أيوة

-    آآلو ياماهر

-    إيه الأخبار؟

-   بقولك.. أنا عايزك في حاجة مهمة

-   إيه؟

-   ركز فيها معايا تمام

-   معاك

-   في مركز تريب كلمني تمام

-   آه

-   مركز تدريب كبير.. هيعمل..

-   مصري ولا بره؟

-   ليه مركز في مصر وأصله في الكويت

-  آه

-  هيعمل ندوة في الكويت يوم سبعة وتلاتين تلاته حلو

-   ندوة في الكويت كام؟

-  سبعة وتلاتين تلاااته

-   إيه سبعة وتلاتين تلاااته ديه يعني؟

-    آلو

-    يعني إيه سبعة وتلاتين تلاااته ديه؟

-    يا بني يوم.. سبعة وعشرين تلاته معلش

-     سبعة وعشرين ااه.. منا استغربت سبعة وتلاتين دي

-    سبعة وعشرين تلاته المهم انجز، دلوقتي لقيتهم بيكلموني عايزين رقم وائل غنيم، هما يعني شافوني في مصر النهارده، فجابوا رقمي وقالولي عايزين وائل غنيم تمام

-  آه

-    فأنا قولت لهم اه ماشي وائل غنيم وكل حاجة بس في عبد الرحمن منصور كان معاه، اشتغل بردك في الصفحة فاهم ازاي، قالولي اه المركز معندوش مانع إنه يجيب حد تاني مش إيه مش مشكلة وكده، ف أي حد تاني إن شاء الله حتى وائل غنيم يرشحهولنا وكده، فأنا عارف إن عبد الرحمن منصور في التجنيد، تمام

-   تمام

-     قلت لهم بقولوكوا إيه، هي الندوة عن إيه؟، قالوا لي عن دور الميديا وكده واللي هي الفيسبوك والحاجات دي كلها في إيه في السياسة وكده، قولت لهم طب بصوا يا جماعة طالما هي كده، في مجموعة تانية اسمها 6 إبريل، ومنسق واحد شاب اسمه أحمد ماهر، وأول ناس استخدمت الفيسبوك وكده في حاجة حقيقية يوم إضراب 6 إبريل 2008، بالإضافة إن هما أول ناس عملوا افنت على الفيسبوك، واشتغلوا عليه، وهما اللي نسقوا يعني حكتلوا القصة، قال لي اه بجد والله، اهو هتتحشر هتتحشر ها يا أحمد

-        أيوه أيوه

-        المهم، فقالي ايه قالي طب ماشي طب والله إحنا ممكن نكلمهم ومعرفش ايه ويبقوا اا لان خلي بالك كمان، هيبقى ندوة وفي ناس الكويت ومعرفش ايه، وااا ويعني هتبقى حاجة كويسة جدا فاهم.

-        تمام

-        وبيقولك في مصريين في الكويت اااا، احتمال يعني يدفعوا تبرعات وبتاع الله أعلم يعني، تمام، فالفكرة كلها قولتلهم لا ده أحمد ماهر وبتاع وانا ممكن أديك رقمه قالي خلاص ماشي اديني رقمه، بس خلي بالك يقى من حاجة أنا عايز اديك رقمه تتصل بيه تقولوا أنتوا مع وائل، ليه... لأن هو لما قالي ايه قالي بص هات رقم وائل وأنا هخلي وائل يرشحلي حد، مش هو بردك زميله مصطفى النجار، أنت فاهم،

-        ايوه

-        فيروح بقى وائل غنيم ومصطفى النجار فمش منطقي فيبقى أنت وهما وائل، فأنا عايز ايدك رقمه تليقونه دلوقتي وهديله رقمك، أنت تكلمه قوله استاذ أحمد حسين من مركز اكتب، أنا أحمد ماهر كذا كذا كذا، وإحنا عملنا كذا، ووو عندنا استعداد يعني نروح نبعت واحد مننا، سواء أنت بقى أو اي حد

-        خلاص ماشي

-        هااا، ها يا ابني عشان ديه حاجة جامدة جدا وهتبقى أصلا في الكويت كده وبتاع يومين وبتاع، مش عايز بقى وائل يروح وياخد معاه مصطفى النجار والجو ده انت فاهم.

-        طيب هو عايز وائل شخصيًا ولا عايز الناس الاكتف على النت ولا عايز ايه.

-        لا عايز وائل على أساس أن هوشهرة وبتاع، ف تبقى حاجة كويسة فاهم

-        امممم

-        منا قولتله ..قولتله يعم ده في ناس وبتاع، قالي لا عشان هما عايزين وائل عشان الشهرة وكده.

-        خلاص فل يعني مفيش مشكلة

-        خلي بالك كمان بيقولي ايه، وفي مصريين هناك عايزين يدفعوا تبرعات لمعرفش ايه وايه، فقلت لا .. وائل غنيم ومصطفى النجار وتبرعات لا.. انت فاهم، فالمهم أنا هديك رقمه دلوقتي ماشي.

-      أوك رقمه كام

-        استني

-        كام

-        618

-        اسمه إيه؟

-        أحمد حسين

-        حسين

-        -اه

-        أنا لما قولتله أحمد ماهر قالي اه انا قريت اسمه قبل كده كتير فاهم ازاي طب ادينا رقمه، فانا دلوقتي هبعتله رقمك بردك، بس ايه.. انا ... بص انا عندي حركة صايعة هبعتله رقمك وأقوله خد منه من اح.. انا مش هديله أنا رقم وائل.

-        تمام

-        هقوله كلم أحمد ماهر وخد منه رقم وائل، بحيث نحسسه بردك إن إنت يعني أنت صاحب وائل يعني مش مش ضده فاهم.

-        مفيش مشكلة ماشي ماشي

-        بس بحيث مثلاااااا... لو في تبرعات في أي حاجة يبقى في طرفين موجودين، ماشي

-        طيب

-        اسمه أحمد حسين

-        في حاجة تانية، كان في ااا، حد مش عارف مركز.. مش فاكر اسمه إيه، المعهد القومي الفرنسي أو حاجة زي كده يعني.

-        امممم

-        كانوا عايزين حد من الائتلاف، يسافر في النص التاني من مارس

-        النص التاني من ايه

-        مارس

-        يسافر فين؟

-        فرنسا

-        فرنسا

-        آه

-        اممم

-        - ندوة عن 25 يناير... وال.... اممم، أنت ايه رأيك في موضوع السفر دوت؟

-        أنا معنديش مشكلة بس ااااااا.. اليه الاختيار، يعني أنت أنت بأديك أنت اللي تختار يعني

-        هو.. اا..ارشحلهم كذا اسم من الائتلاف عموما يعني، بس الفكرة كلها

-        ماشي معنديش مشكلة في السفر

-        المشكلة فيها ان الندوة مش هتبقى يعني لقاء تليفزيوني زي زي زي مصر أو حاجة زي مصر، دول بيعصروا اللي ريحلهم، لسه كان في ناس رايحين من اليونان، قالوا هناك أحزاب يسارية وأحزاب اااا، يعني كل الأحزاب اللي هناك فمسكوهم غسلوهم هناك يعني فاهم.

-        لا اا معندناش مشكلة

-        كل أدق التفاصيل في الحياة السياسية في مصر، وفاهمي الحياةا لسياسية في مصر أكتر من المصريين.

-        اه طبعا ما هما لو أنت بتتكلم عن مركز أبحاث أكيد هيعملوا كده

-        وفرنسا نفس الكلام برده، وكمان المركز نفسه محسوب هناك ع اليمين شوية.

-        امممم

-        فيكون بيهمهم بقى ايه.. علاقة الشرق الأوسط وال مش عارف ايه.. وامريكا وفرنسا وحاجات زي إيران ودور مش عارف ايه، يعني

-        لا لا معنديش مشكلة

-        طيب إشطة

-        ماشي، المهم أنا دلوقتي بص، أنا مش هبعتلوا رقم وائل، أنت معاك رقم وائل ولا أدهولك

-        معايا رقم وائل آه

-        خلاص أنا ابعتله أقوله أحمد ماهر آهه ده رقمه وهو هيديك رقم وائل هيظبطلك مع وائل بحيث تروح، لأن هو كمان عمال يقول لي إيه ده في ناس مصريين كتير جدا عايزين يدفعوا تبرعات وكده، فانت تظبط بقى الليلة معاهم.

-        خلاص فل

-        ماشي ياباشا سلام

-        وقوله قوله بردك يا أحمد وعيه، قوله إحنا عملنا كده وعملنا كذا ماشي

-        خلاص قشطة

-        ماشي سلام سلام

  

 

 

 

"البوابة نيوز" تنفرد ..نص المكالمات بين قيادات "6 إبريل" ومنظمات التمويل الأجنبي

في انفراد جديد لـ"البوابة نيوز" يكشف رئيس التحرير الكاتب الصحفي عبد الرحيم علي، عن نص المكالمات الهاتفية بين كل من محمد عادل، وأحمد ماهر، القياديين بحركة "6 إبريل"، وبين عدد من منظمات التمويل الأجنبي يظهر خلالها حصول عادل وماهر، على تحويلات بنكية من هذه المنظمات بغرض تسريب معلومات مهمة حصلت عليها كوادر الحركة من جراء اقتحام مقر جهاز أمن الدولة.